மு.க.ஸ்டாலின் பங்கேற்ற திமுக கூட்டத்தில் "ஜெயலலிதா"
கன்னியாகுமரி: திமுக பொருளாளர் மு.க.ஸ்டாலின் கலந்து கொண்ட நமக்கு நாமே கூட்டத்தில் ஸ்டாலின் உள்பட திமுக தலைவர்கள் அனைவரும் கையில் வைத்திருந்த செய்தித் தாளில் முதல்வர் ஜெயலலிதாவின் பிரமாண்ட படம் அடங்கிய விளம்பரம் இடம் பெற்றிருந்தது சலசலப்பை ஏற்படுத்தியுள்ளது.
திமுக பொருளாளர் மு.க.ஸ்டாலின் நமக்கு நாமே என்ற பெயரில் பிரசாரப் பயணத்தை ஆரம்பித்துள்ளார். கன்னியாகுமரியில் இந்தப் பிரச்சாரப் பயணத்தை அவர் தொடங்கியுள்ளார். திமுகவினர் மத்தியில் இந்தப் பிரசார பயணத்திற்கு பெரும் வரவேற்பு கிடைத்துள்ளது.
12 நாட்கள் இந்த பிரசாரப் பயணம் நடைபெற உள்ளது. இந்தநிலையில், ஸ்டாலின் கலந்து கொண்ட நமக்கு நாமே கூட்டத்தில், மேடையில் மு.க.ஸ்டாலின் உள்பட அனைத்துத் தலைவர்களும் அன்றைய செய்தித்தாளை கையில் பிரித்து வைத்துப் படித்துக் கொண்டிருந்தனர்.
அதைப் பார்த்த திமுகவனருக்கு பயங்கர ஷாக். காரணம் செய்தித் தாளின் பின்புறம் கடைசிப் பக்கத்தில் பிரமாண்ட சைசில் முதல்வர் ஜெயலலிதாவின் படம் பிரசுரமாகியிருந்தது. ஸ்டாலின் உள்ளிட்ட அனைவரது கையிலும் உள்ள பேப்பரும் இப்படி ஜெயலலிதா படத்தையே பிரமாண்டமாக காட்டியது.
இதனால், திடீரென அதைப் பார்ப்போருக்கு ஏதோ அதிமுக கூட்டமோ என்று எண்ணத் தோன்றும் அளவுக்கு ஜெயலலிதா வியாபித்திருந்தார்.
திமுக கூட்டத்தில் இப்படி ஜெயலலிதா திடீரென தலை காட்டியதால் கூட்டத்திலும் சலசலப்பு ஏற்பட்டது.
Click it and Unblock the Notifications
Sign in with Google