நான் பிரதமர் வேட்பாளர் என்பது அதிமுகவினரின் விருப்பம்: ஜெயலலிதா

சென்னை: தாம் பிரதமர் வேட்பாளர் என்பது அதிமுகவினரின் விருப்பம் என்று தமிழக முதல்வர் ஜெயலலிதா தெரிவித்துள்ளார்.

அ.தி.மு.க. செயற்குழு, பொதுக்குழு கூட்டம் நிறைவடைந்த பிறகு மண்டபத்திற்கு வெளியே செய்தியாளர்களுக்கு ஜெயலலிதா அளித்த பேட்டி:

கேள்வி: வரும் லோக்சபா தேர்தலில் கூட்டணி அமைத்து போட்டியிடுவீர்களா?

பதில்: கூட்டணி குறித்து உரிய நேரத்தில் முடிவு எடுக்கப்படும். அதற்கான அதிகாரத்தை கட்சி எனக்கு வழங்கியுள்ளது.

கேள்வி: - உங்களை பிரதமர் வேட்பாளர் என்று சொல்லுகிறார்களே?

பதில்: அது எங்களது கட்சியினரின் விருப்பம். அதை பற்றி நான் இப்போது சொல்வதற்கு இல்லை.

கேள்வி: வரும் லோக்சபா தேர்தலில் அ.தி.மு.க.வின் தேர்தல் முழக்கம் என்னவாக இருக்கும்?

பதில்:- அமைதி, வளம், வளர்ச்சி இது எங்கள் தேர்தல் கோரிக்கையாக இருக்கும்.

இவ்வாறு செய்தியாளர்களிடம் ஜெயலலிதா கூறினார்.

English summary

ADMK leader and Tamilnadu Chief Minister Jayalalithaa, told reporters she was yet to decide whether to project herself as a contender for Prime Minister although it was the wish of her party cadres.