சென்னை ஐடி நிறுவனத்தில் வருமான வரித்துறை ரெய்டு

சென்னை: சென்னையிலுள்ள ஐடி நிறுவனம் ஒன்றில் வருமான வரித்துறை அதிகாரிகள் ரெய்டு நடத்தி வருகிறார்கள்.

மும்பையை தலைமையிடமாக கொண்டு செயல்படுவது Trigyn technologies limited நிறுவனம். இந்த நிறுவனத்திற்கு சென்னை தேனாம்பேட்டை, அமெரிக்கா, ஜெர்மனி, சுவிட்சர்லாந்து உள்ளிட்ட இடங்களிலும் அலுவலகங்கள் உள்ளன.

மென்பொருள் தொடர்பான இந்த நிறுவனத்தின், தேனாம்பேட்டை கிளை அலுவலகத்தில், இன்று காலை முதல் வருமான வரித்துறை அதிகாரிகள் சோதனை நடத்திவருகிறார்கள்.

வரி ஏய்ப்பு புகார் காரணமாக இந்த சோதனை நடந்ததாக கூறப்படுகிறது. விவரம் தெரிந்து சம்பவ இடத்திற்கு சென்ற மீடியா கேமராமேன்களை, வீடியோ எடுக்கவிடாமல் தடுத்து அனுப்பி வைக்கப்பட்டனர்.

ரெய்டை தொடர்ந்து அந்த அலுவலகத்திற்கு, போலீஸ் பாதுகாப்பு வழங்கப்பட்டிருந்தது.

English summary

The IT sleuths swooped on the premises of Trigyn technologies limited in Chennai.