அப்பல்லோ மருத்துவ குழுமத்திற்கு சொந்தமான இடங்களில் ஐ.டி. ரெய்டு

By Mayura Akilan

Updated: Wednesday, January 6, 2016, 13:00 [IST]

Subscribe to Oneindia Tamil

சென்னை: நாடு முழுவதும் அப்பல்லோ மருத்துவ குழுமத்திற்கு சொந்தமான 20 இடங்களில் வருமான வரித்துறையினர் சோதனை நடத்தியுள்ளனர். வருமான வரி ஏய்ப்பு தொடர்பாக, இந்த சோதனை நடைபெற்று வருவதாக அங்கிருந்து வரும் தகவல்கள் தெரிவிக்கின்றன.

சென்னை உள்பட இந்தியா முழுவதும் உள்ள அப்பல்லோ மருத்துவமனைகளில் வருமான வரித்துறையினர் அதிரடியாக சோதனை நடத்தி வருகின்றனர். சோதனைக்கான காரணத்தை தெரிவிக்க அதிகாரிகள் மறுத்துவிட்டனர். இந்தியாவில் பல்வேறு மாநிலங்களில் அப்பல்லோ மருத்துவமனை செயல்பட்டு வருகிறது. சென்னையில் ஆயிரம் விளக்கை தலைமையிடமாக கொண்டு செயல்பட்டு வரும் அப்பல்லோ மருத்துவமனை தேனாம்பேட்டை, கீழ்ப்பாக்கம், அயனம்பாக்கம் உள்ளிட்ட இடங்களில் செயல்பட்டு வருகிறது.

இந்நிலையில், இன்று காலை முதல் இந்தியா முழுவதும் உள்ள அப்பல்லோ மருத்துவமனையில் வருமான வரித்துறையினர் அதிரடியாக சோதனை நடத்தி வருகின்றனர். சென்னை ஆயிரம் விளக்கு, அயனம்பாக்கம் உள்ளிட்ட இடங்களில் உள்ள அப்பல்லோ மருத்துவமனைகளிலும் சோதனை நடத்தப்பட்டு வருகிறது. சோதனைக்கான காரணத்தை தெரிவிக்க அதிகாரிகள் மறுத்துவிட்டனர். ஒரு நாளைக்கு ஆயிரக்கணக்கானவர்கள் சிகிச்சை பெற்ற வரும் இந்த மருத்துவமனையில் வருமான வரித்துறையினர் சோதனை மேற்கொண்டுள்ளது பரபரப்பை ஏற்படுத்தியுள்ளது.