மாறி மாறி விளாசும் அன்புமணி, ஸ்டாலின்: முற்றும் மோதல்
விழுப்புரம்: பாமக இளைஞர் அணி தலைவர் அன்புமணி ராமதாஸ் மீது தான் அல்ல சிபிஐ தான் ஊழல் குற்றச்சாட்டை சுமத்தியது என்று திமுக பொருளாளர் மு.க. ஸ்டாலின் தெரிவித்துள்ளார்.
நமக்கு நாமே விழிப்புணர்வு பயணம் மேற்கொண்டு வருகிறார் திமுக பொருளாளர் மு.க. ஸ்டாலின். அவர் தற்போது விழுப்புரம் மாவட்டத்தில் சுற்றுப்பயணம் மேற்கொண்டுள்ளார். அவர் விழுப்புரம் அரசு மருத்துவக் கல்லூரி மருத்துவமனைக்கு சென்றார்.
இந்நிலையில் ஸ்டாலின் நடிப்பதாகவும், தன் மீது ஊழல் குற்றச்சாட்டு சுமத்துவதாகவும் பாமக இளைஞர் அணி தலைவர் அன்புமணி ராமதாஸ் தெரிவித்துள்ளார். இது குறித்து செய்தியாளர்கள் ஸ்டாலினிடம் கேட்டனர்.
அதற்கு அவர் கூறுகையில்,
அவர் மீது நான் ஒன்றும் குற்றம் சாட்டவில்லை. சிபிஐ தான் அவர் மீது ஊழல் குற்றச்சாட்டை சுமத்தியுள்ளது. விழுப்புரம் அரசு மருத்துவக் கல்லூரி மருத்துவமனை திமுக ஆட்சி காலத்தில் தொடங்கப்பட்டது என்பதாலேயே கிடப்பில் போடப்பட்டுள்ளது.
கடந்த 4 ஆண்டு கால அதிமுக ஆட்சியை அப்புறப்படுத்த வேண்டும் என்று மக்கள் கருதுகிறார்கள் என்றார்.
Click it and Unblock the Notifications
Sign in with Google