நடு மண்டையில் நச்சென்று அடிக்கும் வெயில்.. சென்னையில் 102!
சென்னை: சென்னையில் வெயில் சுட்டெரித்துக் கொண்டிருக்கிறது. பிற்பகல் 2 மணி நிலவரப்படி சென்னையில் அடித்த வெயிலின் அளவு 102 டிகிரி பாரன்ஹீட்டாகும்.
தமிழகம் முழுவதும் கத்திரி வெயில் பட்டையைக் கிளப்பிக் கொண்டிருக்கிறது. பல பகுதிகளில் ஓரளவு மழை பெய்துள்ளதால் வெயிலின் கடுமை சற்று குறைந்துள்ளது.
ஆனால் சிறிய அளவிலான மழையை சந்தித்த சென்னையில் வெயில் கடுமையாக இருக்கிறது. இன்று பிற்பகல் 2 மணி நிலவரப்படி சென்னையில் 39 டிகிரி செல்சியஸ் வெயில் அதாவது 102 டிகிரி பாரன்ஹீட் வெயில் அடித்தது.
சென்னையில் தற்போது மழை இல்லை. லேசான காற்று வீசுகிறது. வெயில் மற்றும் அதன் தாக்கம் அதிகமாக இருப்பதால் மக்கள் மண்டை காய்ந்து போய்க் காணப்படுகின்றனர்.
இதேபோல தமிழகத்தின் பிற முக்கிய நகரங்களில் இந்த நேரத்தில் பதிவான வெயில் அளவு....
வேலூர் - 102
காஞ்சிபுரம் - 102
காரைக்குடி - 101
திண்டுக்கல் - 100.4
புதுக்கோட்டை - 100
திருச்சி - 100
புதுச்சேரி - 96
மதுரை - 95
சேலம் - 95
கடலூர் - 95
குற்றாலம் - 91.4
நாகர்கோவில் - 91
கோவை - 89.6
ஈரோடு - 89
ஊட்டி - 88