அடடா.. ராஜான்னு பெயர் வச்சாலே சிக்கலாய்யா..என்னவோ போடா மாதவா!!

தீபாவின் கார் டிரைவர் ராஜா டிஸ்மிஸ் செய்யப்பட்டார்.

Updated: Wednesday, September 19, 2018, 22:21 [IST]

Subscribe to Oneindia Tamil

டிரைவர் ராஜா

ஒரு கட்சி தன் கொள்கை, பிரச்சாரம், சேவை ஆகியவற்றின் மூலமாகத்தான் மக்களிடயே பிரபலம் ஆகும். ஆனால் தீபா கட்சி ஃபேமஸ் ஆகி வருவதே டிரைவர் ராஜாவை வைத்துதான்.

ஃபேமஸ் பேரவை

தமிழகத்தில் இதுவரை எத்தனையோ கட்சி தலைவர்கள் வாழ்ந்து மறைந்திருக்கிறார்கள், இன்னும் வாழ்ந்து கொண்டிருக்கிறார்கள். ஆனால் அவர்களின் கார் டிரைவர்களின் பெயர்களை பெரும்பாலும் தமிழக மக்கள் இதுவரை அறிந்ததே இல்லை. ஆனால் வரலாற்றிலேயே ஒரு கார் டிரைவர் ஃபேமஸ் ஆவது இந்த கட்சியில்தான்!

அதிரடி டிஸ்மிஸ்

ராஜாவால் அந்த பேரவைக்குள் என்னதான் பிரச்சனையோ நமக்கு தெரியாது. திடீரென்று மோசடி புகார் சொன்னார்கள், கட்சியில் இருந்து நீக்கினார்கள், பிறகு திரும்பவும் கட்சிக்குள் ராஜாவை சேர்த்து கொண்டார்கள், தற்போது கட்சியிலிருந்து நீக்கி உத்தரவிட்டிருக்கிறார்கள். என்ன விவகாரம் என்றே தெரியாமல் டிரைவர் நீக்கம் என்று அறிக்கை மட்டும் வெளியாகி உள்ளது.

கட்சியா

அந்த பேரவையிலிருந்து வெளியே வந்த மாதவன் தனிகட்சி தொடங்கினார். இப்போது டிரைவர் ராஜாவும் தனிக்கட்சி தொடங்குவாரா என தெரியாது. ஆனால் ராஜாவும் போய் விட்டால் கட்சி இனி எப்படி ஃபேமஸ் ஆகுமோ????

என்னவோ போடா மாதவா!