மானங்கெட்ட மோடி அரசே, மாநில அரசே..திமுகவின் ஜல்லிக்கட்டு ஆர்ப்பாட்டத்தில் ஆக்ரோஷ கோஷம்

ஜல்லிக்கட்டு நடத்த அனுமதி கேட்டு திமுக செயல் தலைவர் ஸ்டாலின் தலைமையில் சென்னையில் இன்று நடைபெற்ற ஆர்ப்பாட்டத்தில் மத்திய மாநில அரசுகளுக்கு எதிராக கோஷங்கள் எழுப்பப்பட்டன.

By Veera Kumar

Published: Friday, January 13, 2017, 11:13 [IST]

Subscribe to Oneindia Tamil

சென்னை: ஜல்லிக்கட்டு நடத்த அனுமதி கேட்டு திமுக செயல் தலைவர் ஸ்டாலின் தலைமையில் சென்னையில் இன்று நடைபெற்ற ஆர்ப்பாட்டத்தில் எழுப்பப்பட்ட கோஷங்கள் இவைதான்:

ஆர்ப்பாட்டம், ஆர்ப்பாட்டம் ஜல்லிக்கட்டு உரிமையை நிலை நாட்ட ஆர்ப்பாட்டம்.

ஐயா தந்தை பெரியாரும், பேரறிஞர் அண்ணாவும், எங்கள் தலைவர் கலைஞரும், எங்கள் அண்ணன் தளபதியும் கட்டி காக்கும் அறவழியில் ஆர்ப்பாட்டம், ஆர்ப்பாட்டம்.

கண்டிக்கிண்றோம், கண்டிக்கின்றோம். தமிழக மக்களின் உரிமைகளை அவமதிக்கும் மத்திய அரசை கண்டிக்கிறோம். தடுக்காதே, தடுக்காதே வீரத்தமிழர் விளையாட்டை, மானத்தமிழர் விளையாட்டை தடுக்காதே. மத்திய அரசே தடுக்காதே.

அனுமதி கொடு, அனுமதி கொடு. ஜல்லிக்கட்டுக்கு அனுமதி கொடு. தடுக்காதே, தடுக்காதே வீரத்தமிழன் விளையாட்டை வேண்டுமென்றே தடுக்காதே. நிறுத்தாதே, நிறுத்தே, மானத்தமிழன் விளையாட்டை மடத்தனமாய் நிறுத்தாதே. ஜல்லிக்கட்டு எங்கள் உரிமை. தடுக்க நினைப்பது என்ன மடமை.

யானை பந்தையம் நடக்குது அங்கே. மாட்டு பந்தையம் தடுப்பது இங்கே. ஒட்டக பந்தையம் நடக்குது அங்கே. மாட்டு பந்தையம் தடுப்பது இங்கே. மோடி அரசே மத்திய அரசே, ஜல்லிக்கட்டு தடையை நீக்கு. நடத்த விடு.., நடத்தவிடு.., தமிழக அரசே ஜல்லிக்கட்டை நடத்தவிடு.

வீரம் நிறைந்த விளையாட்டு, தமிழன் விரும்பும் போர்ப்பாட்டு. தடுக்காதே.., தடுக்காதே.., ஜல்லிக்கட்டை தடுக்காதே. மத்திய அரசே மத்திய அரசே, மானங்கெட்ட மோடி அரசே. அவசர சட்டம் பிறப்பித்து.., அவசர சட்டம் பிறப்பித்து.., ஜல்லிக்கட்டை நடத்தவிடு. நடவடிக்கை எடு.., நடவடிக்கை எடு... மாநில அரசே, மாநில அரசே, மானம் கெட்ட மாநில அரசே. நடவடிக்கை எடு

செயல் தலைவர் ஆணை கேட்டு செந்தமிழ் நாடு திரளுதுபார். திசைகள் கூட அவர் சொல் கேட்டு சேர்ந்து வந்து நிற்குது பார். சரியில்ல.. சரியில்ல.. மத்திய அரசு சரியில்ல. மத்திய அரசை கண்டிக்காத தமிழக அரசும் சரியில்லை. தடை செய், தடை செய் பீட்டா அமைப்பை தடை செய்.

ஜல்லிக்கட்டு எங்கள் உரிமையடா,. தடுக்க நினைக்கும் முயற்சி எல்லாம் சுய நல கதைகளடா. நிறுத்தாதே நிறுத்தாதே மானத்தமிழர் விளையாட்டை மீண்டும் மீண்டும் நிறுத்தாதே. இவ்வாறு கோஷங்கள் எழுப்பப்பட்டன. அவற்றை ஸ்டாலினும் வாசித்தார்.

Published On January 13, 2017