பழங்காலத் தமிழர் வாழ்வியலில் ஜல்லிக்கட்டு.. உறுதி செய்த கீழடி அகழாய்வில் கிடைத்த மாட்டு எலும்புகள்!
சென்னை: கீழடி அகழ்வாராய்ச்சியில் கிடைத்த மாட்டு எலும்புகளை, புனேவில் உள்ள டெக்கன் கல்லூரியில் ஆய்வு செய்ததன் வாயிலாக, அவை ஜல்லிக்கட்டில் ஈடுபடும் நாட்டு மாடுகள் என்பது உறுதி செய்யப்பட்டுள்ளது.
சங்க இலக்கியங்களில் ஜல்லிக்கட்டு இருந்தது, ஜல்லிக்கட்டு பழங்காலத் தமிழ் மக்களின் வாழ்வியலைச் சார்ந்தது என்பதையும் இது உறுதி செய்துள்ளது.
சிவகங்கை மாவட்டம் கீழடியில் கடந்த 2014 ஆம் ஆண்டு முதல் அகழாய்வு பணிகள் நடைபெற்று வருகிறது. கீழடியில் மேற்கொண்ட அகழாய்வு அறிக்கைகளை தொல்லியல் ஆய்வாளர் அமர்நாத் ராமகிருஷ்ணன் மத்திய தொல்லியல் துறைக்கு அனுப்பினார். ஆனால், அந்த ஆய்வு அறிக்கையில் அறிவியல் பூர்வமான, தொழில்நுட்ப ரீதியிலான ஆய்வு தகவல்கள் இல்லை என மத்திய அரசு அதனை மீண்டும் திருப்பி அனுப்பியது.
மேலும், இந்த அகழாய்வின் முதல் இரண்டு கட்டம் நடைபெற்ற அகழாய்வுகள் மற்றும் அதன் அறிக்கை ஆகியவை வெளியிடப்படும் முன்பே அந்த ஆய்வை மேற்கொண்ட அமர்நாத் ராமகிருஷ்ணன் அந்தப் பணியிலிருந்து இடமாற்றம் செய்யப்பட்டு, அந்த அகழாய்வுப் பணிகளை தொல்லியல்துறை முடித்துக்கொண்டது.
அதன் பின் தற்போது வரை 10 கட்ட அகழாய்வுகளை தமிழகத் தொல்லியல் துறை நடத்தியுள்ளது. அதில் கிடைத்த ஆயிரக்கணக்கான பழம்பொருள்களைக் கொண்டு அருங்காட்சியகம் வைக்கும் அளவுக்கு தொல் பொருள்கள் கிடைத்துள்ளன. தமிழகத் தொல்லியல் துறை அறிக்கைகள், ஒவ்வோர் ஆய்வின் முடிவிலும் தொடர்ந்து வெளியிடப்பட்டு வருகிறது.
இந்நிலையில், கீழடியில் கிடைத்த மண்டை ஓடுகளை வைத்து 2,500 ஆண்டுகளுக்கு முன்பு வாழ்ந்த தமிழர் முகங்கள் இங்கிலாந்தில் உள்ள ஆய்வகத்தில் 3டி முறையில் வடிவமைக்கப்பட்டுள்ளது. மதுரை காமராஜர் பல்கலைக்கழக ஆராய்ச்சியாளர்கள் இங்கிலாந்தில் உள்ள லிவர்பூல் ஜான் மூர்ஸ் பல்கலைக்கழகத்தின் உதவியுடன் இரண்டு மண்டை ஓடுகளில் புனரமைக்கப்பட்ட முக அம்சங்களை கண்டுபிடித்துள்ளனர்.
மேலும், கீழடி அகழ்வாராய்ச்சியில் கிடைத்த மாட்டு எலும்புகளை, புனேவில் உள்ள டெக்கன் கல்லூரியில் ஆய்வு செய்ததன் வாயிலாக, அவை ஜல்லிக்கட்டில் ஈடுபடும் நாட்டு மாடுகள் என்பது உறுதி செய்யப்பட்டுள்ளது. சங்க இலக்கியங்களில் ஜல்லிக்கட்டு இருந்தது, தமிழ் மக்களின் வாழ்வியலை சார்ந்தது என்பதையும் இது உறுதி செய்துள்ளது குறிப்பிடத்தக்கது.
Click it and Unblock the Notifications
Sign in with Google