ஜெயலலிதா வேட்பு மனுத் தாக்கல் எப்போது...?

சென்னை: டாக்டர் ராதாகிருஷ்ணன் நகர் தொகுதியில் முதல்வர் ஜெயலலிதா வேட்பு மனு தாக்கலை அனேகமாக வருகிற வெள்ளிக்கிழமை செய்யலாம் என்று எதிர்பார்க்கப்படுகிறது.

ஆர். கே. நகர் தொகுதி அதிமுக எம்.எல்.ஏ வெற்றிவேல், (ஜெயலலிதாவுக்காக) தனது எம்.எல்.ஏ பதவியிலிருந்து ராஜினாமா செய்ததால் அங்கு இடைத் தேர்தல் வந்துள்ளது. இதைப் புறக்கணிப்பதாக திமுக, பாமக உள்ளிட்டை கூறியுள்ளன.

டிராபிக் ராமசாமியை பொது வேட்பாளராக நிறுத்தும் முயற்சிகளும் மறுபக்கம் நடக்கின்றன. இந்த நிலையில் அதிமுகவினர் தங்களது வேலையில் தீவிரமாக இறங்கியுள்ளனர்.

ஜூன் 27-ம் தேதி இடைத்தேர்தல் அறிவிக்கப்பட்டுள்ளது. தண்டையார்பேட்டையில் இன்று தேர்தல் பணிமனை திறக்கப்படுகிறது. இதற்கான வேலையில் அதிமுக நிர்வாகிகள் ஈடுபட்டுள்ளனர்.

வேட்புமனு தாக்கல் ஜூன் 3-ம் தேதி தொடங்குகிறது. ஜெயலலிதா 5ம் தேதி வெள்ளிக்கிழமை வேட்பு மனு தாக்கல் செய்வார் என்று தெரிகிறது.

English summary

Chief Minister Jayalalitha may file her nomination papers on June 5 for R K Nagar by election.