ட்விட்டருக்கு வருகிறார் ஜெயலலிதா... மோடி, கருணாநிதி, ரஜினி வழியில்

Published: Sunday, May 25, 2014, 14:09 [IST]

Subscribe to Oneindia Tamil

சென்னை: முதல்வர் ஜெயலலிதாவும் விரைவில் ட்விட்டரில் நுழைகிறார். மோடி, திமுக தலைவர் கருணாநிதி வரிசையில் அவரும் ட்வி்ட்டரில் புகுகிறார்.

நரேந்திர மோடி உள்ளிட்ட பல்வேறு இந்தியப் பிரபலங்கள் ஏற்கனவே ட்விட்டரில் கலக்கிக் கொண்டிருக்கிறார்கள். தமிழக அரசியல் தலைவர்களில் திமுக தலைவர் கருணாநிதியும் ட்விட்டரில் இருக்கிறார்.

சமீபத்தில் சூப்பர்ஸ்டார் ரஜினிகாந்த் கூட ட்விட்டரில் புகுந்தார். இந்த நிலையில் முதல்வர் ஜெயலலிதாவும் ட்விட்டரில் கணக்கு தொடங்குகிறார். ஏற்கனவே கருணாநிதி, ஜெயலலிதா ஆகியோரின் பேஸ் புக் பக்கங்கள் பிரபலமாக உள்ளன.

இந்த நிலையில் ஜெயலலிதாவும் ட்விட்டரில் புகுகிறாராம்.

முன்னதாக முன்பே ஜெயலலிதா பெயரில் டிவிட்டர் கணக்கு முன்பு உலா வந்தது. ஆனால் இதை தனது தளம் இல்லை என்று ஜெயலலிதா மறுத்திருந்தார். இந்த நிலையில் அதிகாரப்பூர்வமாக அவரே டிவிட்டரில் கணக்கு தொடங்கவுள்ளார்.

Published On May 25, 2014