நடிகை ஆர்த்தி கணேஷ் தாயார் மரணம்... ஜெயலலிதா இரங்கல்

சென்னை: அதிமுகவின் நட்சத்திர பேச்சாளர் நடிகை ஆர்த்தி கணேஷ் தாயார் உடல்நலக்குறைவினால் மரணமடைந்துள்ளார். அவருக்கு அ.தி.மு.க. பொதுச்செயலாளருமான ஜெயலலிதா இரங்கல் வெளியிட்டுள்ளார்.

இது குறித்து நேற்று அவர் வெளியிட்டுள்ள அறிக்கை:

அ.தி.மு.க. நட்சத்திர பேச்சாளர் நடிகை ஆர்த்தியின் தாயார் ஜி.சரோஜினி உடல்நலம் பாதிக்கப்பட்டு சிகிச்சை பெற்று வந்தநிலையில் மரணமடைந்துவிட்டார் என்ற செய்திக்கேட்டு வருத்தமுற்றேன்.

தாயாரை இழந்து வாடும் நடிகை ஆர்த்திக்கும், அவரது குடும்பத்தினருக்கும் எனது ஆழ்ந்த இரங்கலையும், அனுதாபத்தையும் தெரிவித்துக்கொள்வதுடன், அன்னாரது ஆன்மா இறைவன் திருவடி நிழலில் இளைப்பாற எல்லாம் வல்ல இறைவனை பிரார்த்திக்கிறேன் என்று ஜெயலலிதா கூறியுள்ளார்.

English summary

Jayalalithaa expresses condolence massage for Actress Aarthi Ganesh Mother death.