ஜெயலலிதா என்னும் அகராதி

ஆண்களின் அதிகார குரல்களுக்கு நடுவே
அச்சம் தொலைத்த
ஒற்றைக் குரலாக
ஒலித்தது உன் குரல்

அவமானங்களின் மீதும்
அவதூறுகளின் மீதும்
அரசியலில் உனக்கு நீயே
பாதை சமைத்தாய்

அரசியல் பெண்களுக்கு
சிம்ம சொப்பனம் என்று
கோடு கிழித்திருந்தது
ஆணுலகம்

உன் போராட்டங்களுக்கு கிரீடம் சூட்டி
அதிகாரக் கோட்டினை அழித்தாய்
கோட்டையில் நிமிர்ந்தாய்

நெடிய முட்பாதையில்
தனியொருவளாய் நடந்தாய்
உன் சேலை கிழித்த சபையில்
பலர் கரம் கூப்ப வைத்தாய்

தேசத்தின் அரசியலைத்
தீர்மானிக்கும் மூன்றாம் சக்தியாக
முப்பது வருடங்களில் உருவெடுத்தாய்

வாழ்தல் இனிதென்று
காலம் சொல்ல விடவில்லை உன்னை
இருப்பினும்
தன்னம்பிக்கையின் அகராதியாகத்தான்
இப்போதும் நிலைத்திருக்கிறாய்

- வெண்பனி அம்மா

English summary

A poem written about jayalalitha. It is written on a mother's perspective.