வேகமாக குணமடைகிறார் ஜெயலலிதா.. நடிகை லதா

சென்னை: முதல்வர் ஜெயலலிதா வேகமாக குணமடைந்து வருவதாக தன்னிடம் அதிமுக தலைவர்கள் தெரிவித்ததாக நடிகை லதா கூறியுள்ளார்.

முதல்வர் ஜெயலலிதாவைப் பார்க்க பலரும் வந்தவண்ணம் உள்ளனர். இந்த நிலையில் இன்று நடிகை லதா அப்பல்லோ மருத்துவமனைக்கு வந்தார். பின்னர் வெளியில் வந்த அவர் செய்தியாளர்களிடம் பேசுகையில், மரியாதை நிமித்தமாக முதல்வரைச் சந்திக்க வந்தேன். தம்பித்துரையைச் சந்தித்தேன். முதல்வர் வேகமாக குணமடைந்து வருவதாக தெரிவித்தனர்.

முதல்வர் விரைவில் வீடு திரும்புவார் என்றும் நம்பிக்கை தெரிவித்தனர். கோடிக்கணக்கான மக்களைப் போலவே நானும் முதல்வர் விரைவில் குணமடைந்து வீடு திரும்பும் நாளுக்காக காத்திருக்கிறேன். அவருக்காக பிரார்த்திக்கிறேன் என்று கூறினார் நடிகை லதா.

இதற்கிடையே, திண்டுக்கல் அதிமுக சார்பில் ஸ்ரீஅபிராமி அம்மன் கோவிலில் ஜெயலலிதா பூரண நலமடைய வேண்டி 108 கலசாபிஷேகம் ஶ்ரீமிருத்யுஞ்சய மஹா யாகம் ஶ்ரீருத்ராபிஷேக 108 பால்குட அபிஷேகம் நடைபெற்றது.

வனத்துறை அமைச்சர் சீனிவாசன், திண்டுக்கல் எம்.பி உதயகுமார், திண்டுக்கல் மேயர் மருதராஜ் உள்ளிட்டோர் கலந்து கொண்டனர்.

English summary

Veteran actress Latha visited Apollo hospitals today and met the ministers to enquire about CM Jayalalitha. She later told the press that the chief minister is recovering well.