மமதா பானர்ஜியுடன் ஜெயலலிதா தொலைபேசியில் பேச்சு- தேர்தல் பற்றி ஆலோசனை!

சென்னை: தமிழக முதல்வர் ஜெயலலிதா மேற்கு வங்க முதல்வர் மமதா பானர்ஜியை தொலைபேசியில் தொடர்பு லோக்சபா தேர்தல் குறித்து ஆலோசனை நடத்தியதாக தகவல்கள் வெளியாகி உள்ளன.

லோக்சபா தேர்தலில் இடதுசாரிகள்- அதிமுக இடையேயான உறவு முடிவுக்கு வந்தது. இந்த நிலையில் கடந்த சில நாட்களாக ஜெயலலிதாவுக்கு மேற்கு வங்க முதல்வரும் திரிணாமுல் காங்கிரஸ் தலைவருமான மமதா பானர்ஜி ஆதரவு தெரிவித்து பேசி வருகிறார்.

ஜெயலலிதா, மாயாவதி ஆகியோருடன் தாம் இணைந்து பணியாற்ற தயாராக இருப்பதாக மமதா பானர்ஜி கூறியிருந்தார். தனியார் தொலைக்காட்சிக்கு அளித்த பேட்டியில் ஜெயலலிதா பிரதமராக தாம் ஆதரவு தெரிவிப்பதாகவும் மமதா கூறியிருந்தார்.

இந்நிலையில் இன்று மமதா பானர்ஜியை தொலைபேசியில் ஜெயலலிதா தொடர்பு கொண்டு பேசியுள்ளார். அப்போது இருவரும் லோக்சபா தேர்தல் குறித்து விவாதித்தாக தெரிகிறது. மேலும் லோக்சபா தேர்தலில் அதிக இடங்களில் மமதா பானர்ஜி வெற்றி பெற ஜெயலலிதா வாழ்த்து தெரிவித்ததாகவும் கூறப்படுகிறது.

English summary

A day after Trinamool Congress supremo Mamata Banerjee indicated that she was open to working with Jayalalithaa, the AIADMK chief on Friday telephoned her and was stated to have discussed the upcoming general elections. The Tamil Nadu chief minister rang up Banerjee in the morning and shared views on the upcoming Lok Sabha election, sources close to the development said.