ஜெயலலிதாவின் 68வது பிறந்தநாள்... கேக் வெட்டி அதிமுக தொண்டர்கள் கோலாகலக் கொண்டாட்டம்!
சென்னை: தமிழக முதல்வர் ஜெயலலிதாவின் 68வது பிறந்தநாளை, அதிமுக தொண்டர்கள் கோலாகலமாகக் கொண்டாடி வருகின்றனர்.
தமிழக முதல்வர் ஜெயலலிதாவின் 68வது பிறந்தநாள் இன்று. பிறந்தநாளையொட்டி கட்சித் தலைவர்கள் மற்றும் தொண்டர்கள் ஜெயலலிதாவிற்கு பிறந்தநாள் வாழ்த்துக்களைத் தெரிவித்து வருகின்றனர்.
தமிழகம் முழுவதும் அதிமுக தொண்டர்கள் ஜெயலலிதாவின் பிறந்தநாளை கேக் வெட்டியும், இனிப்புகள் வழங்கியும் கொண்டாடி வருகின்றனர். நள்ளிரவு முதலே அதிமுகவினர் தங்களது கொண்டாட்டங்களைத் தொடங்கி விட்டனர்.
பல்வேறு இடங்களில் 68 கிலோ எடையுள்ள கேக்குகள் வெட்டப்பட்டு, பொதுமக்களுக்கு வழங்கப்பட்டன.
பிரபல வழிபாட்டுத் தலங்களில் சிறப்பு பிரார்த்தனைகள் நடைபெறுகின்றன. இது மட்டுமின்றி பல்வேறு நலத்திட்ட உதவிகள் வழங்கும் விழாவிற்கும் ஏற்பாடு செய்யப்பட்டுள்ளன.
இதேபோல், மாநிலம் முழுவதும் மரக்கன்றுகள் நடும் நிகழ்ச்சியும் இன்று நடைபெறுகிறது.
Click it and Unblock the Notifications
Sign in with Google