நல்லகண்ணு 89 வது பிறந்தநாள்: ஜெயலலிதா வாழ்த்து!

By Mayura Akilan

Updated: Thursday, December 26, 2013, 16:56 [IST]

Subscribe to Oneindia Tamil

சென்னை: இந்திய கம்யூனிஸ்ட் கட்சியின் மூத்த தலைவர் நல்லகண்ணுவிற்கு முதல்வர் ஜெயலலிதா பிறந்த நாள் வாழ்த்து தெரிவித்துள்ளார்.

இது தொடர்பாக நல்லகண்ணுக்கு அவர் இன்று அனுப்பிய வாழ்த்துக் கடிதத்தில் கூறியுள்ளதாவது:

"தாங்கள் இன்று 89வது அகவையில் அடியெடுத்து வைத்துள்ளீர்கள் என்பதை அறிந்து மிகுந்த மகிழ்ச்சியடைகிறேன்.

89வது பிறந்த நாள் காணும் தங்களுக்கு என்னுடைய உளங்கனிந்த பிறந்த நாள் நல்வாழ்த்துகளை தெரிவித்துக் கொள்கிறேன்.

தாங்கள் நல்ல உடல் ஆரோக்கியத்துடனும், மன உறுதியுடனும், நீடூழி வாழ்ந்து தாங்கள் சார்ந்துள்ள இந்திய கம்யூனிஸ்ட் கட்சிக்கும், பொது வாழ்வில் தொடர்ந்து ஈடுபடுவதன் மூலம் நாட்டு மக்களுக்கும் சிறந்த தொண்டினை ஆற்றிட இந்த நன்னாளில் எல்லாம் வல்ல இறைவனைப் பிரார்த்தித்துக் கொள்கிறேன்" என்று கூறியுள்ளார்.