ஜெயலலிதா பதவியேற்பு விழா முடிந்ததும், டைமிங்காக டச் கொடுத்த ஜெயா டிவி!

சென்னை: முதல்வராக ஜெயலலிதா பதவியேற்று அவர் போயஸ் கார்டன் வீட்டுக்கு சென்று சேர்ந்ததும், ஜெயா டிவியில் ஒளிபரப்பான பாடல்தான் டைமிங்கின் உச்சம்.. இதுக்குன்னு 5 பேர் கொண்ட குழு இருப்பார்களோ என்று வியக்க வைத்த பாடல் அது.

ஜெயலலிதா இன்று காலை பதவியேற்று முடித்து, போயஸ் கார்டன் வீட்டுக்கு சென்று சேரும்வரை ஜெயா டிவி நேரடி ஒளிபரப்பு செய்தது.

பிரம்மாண்ட பதவியேற்பு விழா என்று இந்த நிகழ்ச்சிக்கு பெயரும் வைத்திருந்தது அந்த தொலைக்காட்சி சேனல். ஜெயலலிதா வீட்டுக்குள் சென்று சேர்ந்த பிறகு, சிறிது விளம்பரம் ஒளிபரப்பிய சேனல், அதன்பிறகு முதலாவதாக ஒளிபரப்பியது பாருங்கள், ஒரு பாடல், அதுதான் டாப்.

முத்துச்சிப்பி திரைப்படத்தில் இடம் பெற்ற "தொட்ட இடம் துலங்க வரும் தாய்க்குலமே வருக" என்ற பாடலை அது ஒளிபரப்பியது. அந்த பாடல் காட்சியில் ஜெயலலிதா, பூரண கும்பத்தை கையில் எடுத்தபடி, அம்மன் ஆலயம் நோக்கி நடந்து வருவார். அந்த பாடல் அம்மனுக்கானதா, இல்லை, ஜெயலலிதாவுக்கானதா என்று புரியாமல் பாடலை பார்ப்பவர்களே குழம்பிவிடுவார்கள். அந்த பாடலைத்தான் போட்டு டைமிங்காக டச் கொடுத்தது ஜெயா டிவி. நீங்க கலக்குங்க..

English summary

Jaya tv telecast a song which is very much apt with jayalalitha's return.