• search
For Quick Alerts
ALLOW NOTIFICATIONS  
For Daily Alerts

பிரதமர் பதவி போட்டியில் ஜெயலலிதா.. மலைச்சாமி நீக்கம் சொல்வது என்ன?

By Mathi
|

சென்னை: பிரதமர் பதவிக்கான போட்டியில் இன்னமும் தாம் இருப்பதாக தமிழக முதல்வர் ஜெயலலிதா கருதுவதுதான் அதிமுகவில் இருந்து முன்னாள் எம்.பி மலைச்சாமி நீக்கப்பட்டதை வெளிப்படுத்துகிறது என்கின்றனர் அரசியல் பார்வையாளர்கள்.

லோக்சபா தேர்தலில் எக்ஸிட் போல் முடிவுகளை வெளியிட்ட ஊடகங்கள் தேசிய அளவில் பாஜக, காங்கிரஸ், திரிணாமுல் காங்கிரஸுக்கு அடுத்ததாக அதிமுகதான் என்று கூறின.

3வது பெரிய கட்சி அதிமுக

3வது பெரிய கட்சி அதிமுக

இந்த நிலையில் நேற்று என்.டி.டிவி. தொலைக்காட்சி வெளியிட்ட எக்ஸிட் போல் முடிவில் தமிழகத்தில் அதிமுக 32 தொகுதிகளைக் கைப்பற்றி தேசிய அளவில் பாஜக, காங்கிரஸ் கட்சிக்கு அடுத்தபடியாக 3 வது இடத்தில் இருப்பதாக தெரிவிக்கப்பட்டது.

காங்கிரஸை விட கூடுதல் இடங்களில் மாநில கட்சிகள்

காங்கிரஸை விட கூடுதல் இடங்களில் மாநில கட்சிகள்

அத்துடன் காங்கிரஸை விட அதிமுக, திரிணாமுல் காங்கிரஸ், பிஜூ ஜனதா தளம் உள்ளிட்ட மாநிலக் கட்சிகள் மொத்தமாக கூடுதல் இடங்களைப் பெறும் என்பதுதான் எக்ஸிட் போல் முடிவுகள் வெளிப்படுத்துகின்றன.

மாநிலக் கட்சிகளுக்கு காங்கிரஸ் ஆதரவு?

மாநிலக் கட்சிகளுக்கு காங்கிரஸ் ஆதரவு?

இதனால் 1989-90களில் மதச்சார்பற்ற அரசு அமைய ஆதரவளிப்போம் என்று மாநிலக் கட்சிகளுக்கு ஆதரவளித்தது போலவும் அண்மையில் டெல்லியில் அரவிந்த் கேஜ்ரிவாலுக்கு ஆதரவு தெரிவித்ததைப் போலவும் காங்கிரஸ் முடிவெடுக்கக் கூடும் என்று கூறப்பட்டு வருகிறது.

பிரதமர் பதவி?

பிரதமர் பதவி?

அப்படி காங்கிரஸ் முடிவெடுக்கும் நிலையில் தேசிய அளவில் அதிக இடங்களைக் கைப்பற்றிய கட்சி என்ற அடிப்படையில் தமக்கு பிரதமர் பதவி கிடைக்க வாய்ப்பிருக்கிறது என்பது ஜெயலலிதாவின் கணக்கு.

மமதா ஆதரவு

மமதா ஆதரவு

ஏற்கெனவே திரிணாமுல் காங்கிரஸ் தலைவர் மமதா பானர்ஜி, ஜெயலலிதா பிரதமராக ஆதரவு தெரிவித்திருக்கிறார் என்பதும் நினைவில் கொள்ளத்தக்கது.

துணை பிரதமர் பதவி

துணை பிரதமர் பதவி

ஒருவேளை திரிணாமுல் காங்கிரஸ் கூடுதல் இடங்களைப் பெற்று பிரதமர் பதவியை எடுத்துக் கொண்டாலும் நிச்சயம் துணை பிரதமர் பதவியாவது கிடைக்கும் என்பதும் ஜெயலலிதாவின் எதிர்பார்ப்பு.

முக்கிய இலாகாக்கள்

முக்கிய இலாகாக்கள்

அத்துடன் மத்திய அரசில் வலிமையான பாதுகாப்பு, வெளியுறவு, நிதி, ரயில்வே போன்ற துறைகளைப் பெற்றால் அது எதிர்வரும் தமிழக சட்டசபை தேர்தலுக்கும் பெரிய அளவில் கை கொடுக்கும் என்பதும் ஜெயலலிதாவின் திட்டமாக சொல்லப்படுகிறது.

யூகத்துக்கு இடம்கொடுக்காத ஜெ. பேட்டி

யூகத்துக்கு இடம்கொடுக்காத ஜெ. பேட்டி

அதனாலேயேதான் ஜெயலலிதா எந்த ஒரு யூகத்துக்கும் இடம்கொடுக்காமல் மே 16-ந் தேதி கருத்து தெரிவிக்கிறேன் என்று கூறியிருந்தார்.

உணராத மலைச்சாமியின் பேட்டி

உணராத மலைச்சாமியின் பேட்டி

ஆனால் இதை உணராமலேயே முன்னதாகவே முந்திக் கொண்ட மலைச்சாமி, பாஜக கூட்டணியை அதிமுக ஆதரிக்க வாய்ப்பிருக்கிறது என்று தெரிவித்திருந்தார்.

மோடி அலை

மோடி அலை

அந்த பேட்டியில் ஜெயலலிதாவால் கடுமையாக விமர்சிக்கப்பட்ட மோடியை ரொம்பவும் புகழ்ந்திருந்தார் மலைச்சாமி. நாட்டில் மோடி அலை வீசுவதாகவும் கூறியிருந்தார்.

ஜெ.வின் நண்பர்

ஜெ.வின் நண்பர்

அத்துடன் ஜெயலலிதாவின் நெருங்கிய நண்பர் மோடி என்றும் கூறியிருந்தார் மலைச்சாமி.

பிரதமர் பதவிக்கான போட்டியில் ஜெ.

பிரதமர் பதவிக்கான போட்டியில் ஜெ.

இப்படி தமக்கே பிரதமர் பதவிக்கான வாய்ப்பு இருக்கும் நிலையில் நாம் ஏன் பாஜகவை ஆதரிக்க வேண்டும்? அப்படி ஏன் மலைச்சாமி சொல்ல வேண்டும்? என்ற கோபத்தில்தான் அவர் நீக்கப்பட்டிருக்கிறார் என்கின்றன அதிமுக வட்டாரங்கள்.

காங்கிரஸ், இடதுகள் மகிழ்ச்சி

காங்கிரஸ், இடதுகள் மகிழ்ச்சி

ஜெயலலிதாவின் இந்த அதிரடி நடவடிக்கையால் மோடி ஆதரவாளர்கள் அதிருப்தி அடைந்திருந்தாலும் காங்கிரஸ், இடதுசாரிகள் முகாம்கள் ஜெயாவின் வருகைக்காக நம்பிக்கையோடு காத்திருக்கின்றன என்றும் கூறப்படுகிறது.

திருமணம் ஆகாதவரா? இன்றே பதிவு செய்யுங்கள் தமிழ் மேட்ரிமோனியில் பதிவு இலவசம்!

 
 
 
English summary
Stirring political buzz ahead of the Lok Sabha poll results on May 16, AIADMK chief J Jayalalithaa on Thursday expelled party leader K Malaisamy following his statements that she may like close ties with a possible Narendra Modi-led NDA government. Also sources said that Jayalalithaa still believe she also in the PM race so only take action against Malaisamy.

நாள் முழுவதும் oneindia
செய்திகளை உடனுக்குடன் பெற

Notification Settings X
Time Settings
Done
Clear Notification X
Do you want to clear all the notifications from your inbox?
Settings X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more