ஜெ. ஆசியுடன் நடக்கும் இளவரசி மகன் 'ஜாஸ்' விவேக் திருமண அழைப்பிதழ் இதுதான்!
சென்னை: சசிகலாவின் அண்ணி இளவரசியின் மகனும் 'ஜாஸ் சினிமாஸ்' நிறுவனத்தின் நிர்வாக இயக்குநருமான விவேக் ஜெயராமனின் திருமணம் முதல்வர் ஜெயலலிதாவின் ஆசியுடன் நாளை மறுதினம் 29ம் தேதி திங்கட்கிழமையன்று சென்னை வானகரத்தில் நடக்கிறது. இதற்கான திருமண அழைப்பிதழ் எளிமையான முறையில் அச்சிடப்பட்டுள்ளது.
சென்னை அண்ணா நகர் பாஸ்கர் - ஜெயா தம்பதியினரின் மகளும் மருத்துவக் கல்லூரி மாணவியுமான கீர்த்தனாவை அவர் மணக்கிறார்.
இந்த திருமண நிகழ்ச்சியில் முதல்வர் ஜெயலலிதா கலந்து கொள்ளமாட்டார் என்பது தெளிவாக தெரிந்து விட்டது. அதை உறுதிபடுத்தும் விதமாக மாண்புமிகு முதல்வர் புரட்சித்தலைவி ஜெ. ஜெயலலிதா அவர்களின் நல் ஆசியுடன் என்று திருமண அழைப்பிதழில் அச்சிடப்பட்டுள்ளது.
மதுரைவீரன் துணை, மீனாட்சி துணை என்று தொடங்கியுள்ள இந்த திருமண பத்திரிக்கையில் டி.வி. சுந்தரவதனம், சந்தானலட்சுமி சுந்தரவதனம் என்ற பெயரும் அதற்கு கீழே இளவரசி ஜெயராமன் என்று மாப்பிள்ளையின் அம்மா பெயர் இடம் பெற்றுள்ளது.
சசிகலாவின் அண்ணன் வி.திவாகரன் ஏற்பாடு செய்த திருமணம் என்பதால் அவருடைய பெயர் முதன்மையானதாக உள்ளது. மன்னார்குடி சொந்தங்களின் பெயர்கள் வரிசையாக இடம் பெற்றுள்ளன. இளவரசியின் மகள் மருமகன் பெயரும் பத்திரிக்கையில் இடம் பெற்றுள்ளது.
இதைத் தொடர்ந்து செப் டம்பர் 2ம் தேதி தஞ்சாவூரில் திருமண வரவேற்பு நிகழ்ச்சி நடைபெறும் என்று அச்சிடப்பட்டுள்ளது.
Click it and Unblock the Notifications
Sign in with Google