"சின்னம்மா சின்னம்மா".. அட, ஜூலி பிரபலமடைந்த நாளப்பா இது.. பிளாஷ்பேக்!
சின்னம்மா சின்னம்மா என்ற கோஷத்தின் மூலம் பிக்பாஸ் ஜூலி பிரபலமடைந்த நாள் இன்றுதான்.
சென்னை: சின்னம்மா சின்னம்மா, ஓபிஎஸ் எங்கம்மா என்று வானை பிளந்து கோஷமிட்டு ஜூலி பிரபலமடைந்த நாள் இன்றுதான். இதுகுறித்த ஒரு பிளாஷ்பேக் இதோ...
தமிழர்களின் பாரம்பரிய விளையாட்டான ஏர் தழுவுதல் எனப்படும் ஜல்லிக்கட்டு போட்டிக்கு தடை விதிக்க பீட்டா அமைப்பினர் உச்சநீதிமன்றத்தை நாடினர். இதையடுத்து அந்த போட்டியை நடத்த தடை விதிக்கப்பட்டது.
இதற்கு எதிர்ப்பு தெரிவித்து கடந்த ஆண்டு அவனியாபுரத்தில் மக்கள் போராட்டத்தில் ஈடுபட்டனர்.
மெரினாவில் போராட்டம்
இந்த பகுதி மக்களுக்கு ஆதரவாக சென்னை மெரினாவில் இளைஞர்கள் திரண்டு போராட்டத்தில் ஈடுபட்டனர். அப்போது 100, 1000 கணக்கில் இருந்த கூட்டம் லட்சங்களாக மாறியது.
போராட்டம்
இந்த மெரினா போராட்டம் புரட்சியை ஏற்படுத்தியது என்று சொல்லும் அளவுக்கு மக்கள் அலைஅலையாக வண்டி வைத்துக் கொண்டு மெரினாவை அடைந்தனர். இரவு நேரங்களில் வெளிச்சம் இல்லாவிட்டாலும் அதற்கு அசராமல் செல்போன் டார்ச்களை ஆன் செய்தது மின் மினி பூச்சு போல் இருந்தது.
கல்லூரி மாணவிகள் போராட்டம்
மெரினாவில் குரூப்களில் கல்லூரி மாணவ, மாணவிகள் குழுக்களாக பிரிந்து போராட்டத்தில் ஈடுபட்டனர். பெண்கள் தங்களை கைக்குழந்தைகளுடன் வந்தனர். அப்போது அவ்வாறு குரூப்களாக போராட்டம் நடத்தியவர்களில் பிரபலமானவர் ஜூலி.
ஓபிஎஸ் எங்கம்மா
சின்னம்மா சின்னம்மா... ஓபிஎஸ் எங்கம்மா என்ற கோஷத்துடன் ஜூலி என்ற பெண் கோஷமிட, உடனிருந்த அவரது தோழிகளுக்கு பதில் கோஷம் இட்டனர். இது அனைவராலும் கவரப்பட்டது. இந்த கோஷம் அடங்கிய வீடியோ சமூக வலைதளங்களில் பரவியது.
பிக்பாஸ் நிகழ்ச்சி
ஜல்லிக்கட்டு போராளி என்ற பெயரில் பிக்பாஸ் நிகழ்ச்சியில் கலந்து கொண்ட ஜூலி தனது பெயரை கெடுத்துக் கொண்டார். இந்த நிகழ்ச்சியில் பொய் கூறியே வந்ததால் அவரை ரசிகர்கள் ஏற்க மறுத்து பயங்கரமாக ஓட்டினர். தற்போது அந்த நிகழ்ச்சிக்கு பிறகு, விளம்பரப் படங்கள், டிவி தொகுப்பாளினி என்ற புதிய அவதாரங்களை எடுத்த ஜூலி தற்போது திரைப்படத்திலும் நடிக்கிறார். ரசிகர்களை வெறுப்பை சம்பாதித்த ஜூலி சின்னம்மா சின்னம்மா கோஷமிட்டு பிரபலமடைந்த நாள் இன்றுதான்.
Click it and Unblock the Notifications
Sign in with Google