உலகம் முழுவதும் ஜூலை 22ல் ரஜினியின் 'கபாலி' ரிலீஸ்.. அதிகாரப்பூர்வ அறிவிப்பு !

சென்னை: பலத்த எதிர்பார்ப்பை ஏற்படுத்திருக்கும் ரஜினி நடிப்பில் உருவாகியுள்ள ‘கபாலி' படம் ஜூலை 22 ஆம் தேதி ரிலீசாக உள்ளதாக அதிகாரப்பூர்வமாக அறிவிக்கப்பட்டுள்ளது.

ரஞ்சித் இயக்கத்தில் ரஜினி, ராதிகா ஆப்தே, தன்ஷிகா, கலையரசன், தினேஷ் உள்ளிட்ட பலர் நடிப்பில் உருவாகி இருக்கும் படம் 'கபாலி'. சந்தோஷ் நாராயணன் இசையமைப்பில் உருவாகி இருக்கும் இப்படத்தை தாணு தயாரித்திருக்கிறார்.

ரசிகர்களால் மிகவும் ஆர்வமுடன் எதிர்பார்த்துக் காத்துக் கொண்டிருந்த ‘கபாலி' படத்தின் ரிலீஸ் தேதி இன்று அதிகாரப்பூர்வமாக அறிவிக்கப்பட்டுள்ளது. இப்படத்தின் தயாரிப்பாளர் கலைப்புலி எஸ்.தாணு தனது டுவிட்டர் பக்கத்தில் ‘கபாலி' படம் வருகிற ஜுலை 22-ந் தேதி வெளியாகப் போவதாக அதிகாரப்பூர்வமாக அறிவித்துள்ளார். மேலும் 152 நிமிடங்கள் ஓடக்கூடிய கபாலி படத்துக்கு யு சான்றிதழ் கிடைத்துள்ளது. மகிழ்ச்ச' என்றும் ட்வீட் செய்துள்ளார்.

முன்னதாக, இன்று இப்படத்தை சென்சார் போர்டு அதிகாரிகள் பார்த்து, படத்துக்கு ‘யு' சான்றிதழ் வழங்கியுள்ளனர். இதையடுத்து, தயாரிப்பாளர் கலைப்புலி எஸ்.தாணு ரிலீஸ் தேதியை அதிகாரப்பூர்வமாக அறிவித்துள்ளார். இந்த தகவலால் ரஜினி ரசிகர்களிடையே உற்சாகம் அதிகரித்துள்ளது.

English summary

Superstar Rajinikanth-starrer 'Kabali' is all set to release on July 22