கோவையில் காலா.. ரஜினி கட்அவுட்டிற்கு கற்பூரம் ஏற்றி பூஜை.. ஆரவாரத்துடன் கண்டு ரசித்த ரசிகர்கள்

கோவையில் காலா திரைப்படத்தினை ரசிகர்கள் ஆரவாரத்துடன் கண்டு ரசித்தனர்.

கோவை: கோவையில் காலா திரைப்படம் முதல் காட்சி காலை 8 மணிக்கு வெளியிட்ட நிலையில் ரசிகர்கள் உற்சாகத்துடன் ஆரவாரத்துடன் படத்தை கண்டு மகிழ்ந்தனர்.

கோவையில் ரஜினிகாந்த் நடித்த காலா திரைப்படத்தின் முதல் காட்சி காலை 8 மணிக்கு துவங்கியது . கோவை மாவட்டத்தில் உள்ள 20 க்கும் மேற்பட்ட திரையரங்குகளில் காலா திரைப்படம் திரையிடப்பட்டது . இதற்காக காலையில் இருந்தே ரஜினி ரசிகர்கள் மன்றத்தை சேர்ந்தவர்கள் ரஜினிகாந்த்தின் கட் அவுட்டின் கற்பூரம் ஏற்றி பூஜை செய்தனர்.

பிறகு அனைத்து ரசிகர்களும் ஒன்று சேர்ந்து காலா திரைப்படம் வெளியானதற்கு கேக் வெட்டி கொண்டாடினர் . பின்னர் ஆரவாரத்துடன் படத்தை பார்க்க சென்றனர். படம் வெளியாவதற்கு கன்னட அமைப்புகள் எதிர்ப்பு தெரிவித்து வரும் நிலையில் கோவையில் உள்ள அனைத்து திரையரங்குகளிலும் காவல் துறையினர் பாதுகாப்பு பணியில் ஈடுபட்டு உள்ளனர்.

English summary

The first scene from the film Kala starring Rajinikanth started at 8am. Kala was screened in more than 20 theaters in Coimbatore district. For this, camphor pooja was made to Rajinikanth's cut out. Then all the fans cut the cake and then went to see the movie.