சென்னையில் 'அம்மா' ஊர்வலம்... “ராமன் தேடிய சீதை” போட்டுக் "கொண்டாடிய" கலைஞர் டிவி!

Published: Friday, May 22, 2015, 15:41 [IST]

Subscribe to Oneindia Tamil

சென்னை: அதிமுக பொதுச்செயலாளர் ஜெயலலிதா நாளை தமிழக முதல்வராக பொறுப்பேற்க உள்ள நிலையில் ஜெயா டிவி இன்று முழுவதும் அவருடைய ஆளுநர் சந்திப்பு, தொண்டகள் கூட்டம் என்று புகழ் பாடிக் கொண்டிருக்கின்றது.

ஆனால், எதிர்த்தரப்பு கலைஞர் டிவியோ "ராமன் தேடிய சீதை" படத்துடன் மதிய வேளையில் பிசியாகி உள்ளது. எல்லா சேனல்களிலும் அன்றாட நிகழ்ச்சிகள் மட்டுமே ஒளிப்பரப்பாகி வருகின்றன.

விழாக்கோலம் பூண்ட சென்னை மாநகர், தங்கத்தாரகையே வருக என்று பலமாக போட்டுத் தாக்கி வருகின்றது ஜெயா டிவி.

இந்நிலையில் "ராமன் தேடிய சீதை" படத்தை ஒளிப்பரப்பி தான் உண்டு தன் வேலை உண்டு என்று அமைதியாக கலைஞர் டிவி அது வேலையைப் பார்த்து வருகின்றது.

இப்படத்தில் சேரன், மணிவண்ணன் ஆகியோர் நடித்திருப்பர். ஏற்கனவே வந்த பழைய படமான "ராமன் தேடிய சீதை" படத்தில் எம்ஜிஆர் - ஜெயலலிதா நடித்திருப்பார்கள். இந்நிலையில் அதே பெயருள்ள புது படத்தைப் போட்டு குறும்பு செய்துள்ளது கலைஞர் டிவி.

என்னவோ போங்கப்பா!

Published On May 22, 2015