முதல்வருக்கு உடல் நலக்குறைவு.. என் பிறந்தநாளைக் கொண்டாடாதீர்கள்.. கமல் கோரிக்கை

சென்னை: முதல்வர் ஜெயலலிதா உடல் நலக்குறைவாக இருப்பதால் தனது பிறந்த நாள் கொண்டாட்டங்களைத் தவிர்க்குமாறு நடிகர் கமல்ஹாசன் கேட்டுக் கொண்டுள்ளார்.

முதல்வர் ஜெயலலிதா உடல் நலக்குறைவு காரணமாக மருத்துவமனையில் சிகிச்சை பெற்று வருகிறார். அவரது உடல் நலம் குறித்து அதிமுகவினர் கவலையுடன் உள்ளனர். பல்வேறு தரப்பினரும் மருத்துவமனைக்குச் சென்று முதல்வரின் உடல் நலம் குறித்து கேட்டறிந்து வருகின்றனர்.

நற்பணி இயக்கத் தோழர்கட்கோரரிக்கை. தமிழக முதல்வரின் உடல்நலம் இவ்வாறிருக்க, என் பிறந்தநாள் விழாக்களைத் கண்டிப்பாய்த் தவிர்க்க வேணடுகிறேன்.

— Kamal Haasan (@ikamalhaasan) October 23, 2016

இந்த நிலையில் நடிகர் கமல்ஹாசன் தனது பிறந்த நாள் கொண்டாட்டங்களைத் தவிர்க்குமாறு கோரிக்கை வைத்துள்ளார். இதுதொடர்பாக அவர் விடுத்துள்ள டிவிட்டில் நற்பணி இயக்கத் தோழர்கட்கு கோரரிக்கை. தமிழக முதல்வரின் உடல்நலம் இவ்வாறிருக்க, என் பிறந்தநாள் விழாக்களைத் கண்டிப்பாய்த் தவிர்க்க வேணடுகிறேன் என்று அதில் கமல்ஹாசன் கோரிக்கை விடுத்துள்ளார்.

Wishing the hounarable CM of Tamilnadu a speedy recovery.

— Kamal Haasan (@ikamalhaasan) September 23, 2016

முன்னதாக முதல்வர் ஜெயலலிதா விரைவில் குணமடைந்து பணிகளைத் திரும்ப பார்க்க வேண்டுவதாக கமல்ஹாசன் டிவிட் போட்டிருந்தார் என்பது நினைவிருக்கலாம்.

கமல்ஹாசனின் பிறந்த நாள் நவம்பர் 7ம் தேதி வருகிறது. வழக்கமாக அந்த நாளில் பல்வேறு நற்பணிகளில் ரசிகர்கள் ஈடுபடுவார்கள். கமல்ஹாசனும் நிகழ்ச்சியில் கலந்து கொண்டு நலத் திட்ட உதவிகளை அளிப்பார். கடந்த ஆண்டு தனது பிறந்த நாளின்போது தூய்மை இந்தியா இயக்கத்தில் கலந்து கொண்டார் கமல் என்பது நினைவிருக்கலாம்.

English summary

Actor Kamal Haasan has asked his fans to avoid his birth day celebrations this year on November 7. He has said that CM Jayalalitha is not well. So my fans should avoid any kind of birth day celebrations in Nov 7, he urged.