ஆமா... மக்கள் நீதி மய்யம் கட்சியில் கமல்ஹாசனுக்கு என்ன பதவி?
மக்கள் நீதி மய்யம் கட்சியைத் தொடங்கியுள்ள கமல்ஹாசன் அதில் என்ன பதவி வகிக்கிறார் என்கிற கேள்வி எழுந்துள்ளது.
Recommended Video
சென்னை: மக்கள் நீதி மய்யம் கட்சியில் மாவட்ட பொறுப்பாளர்கள், உயர்நிலைக் குழு பொறுப்பாளர் நியமிக்கப்படுவிட்டனர். ஆனால் கமல்ஹாசனுக்கு என்ன பொறுப்பு என்பதுதான் தெளிவுபடுத்தப்படவில்லை.
வழக்கமான அரசியல் கட்சிகளைப் போல இல்லாமல் வித்தியாசமாக மக்கள் நீதி மய்யம் என பெயரை வைத்திருக்கிறார் கமல்ஹாசன். கட்சியின் கொடி கூட ஏதோ ஒன்றை வித்தியாசமாக சொல்வதைப் போல இருக்கிறது.
இடதுசாரி இயக்கங்களைப் போல உயர்நிலைக் குழு ஒன்றையும் அமைத்திருக்கிறார் கமல். அதேமேடையில் அகில இந்திய பொறுப்பாளர், மாவட்ட பொறுப்பாளர்களையும் கமல்ஹாசன் நியமித்துவிட்டார்.
அதெல்லாம் சரி ஒரு கட்சி என்றால் தலைவர்; பொதுச்செயலாளர் அல்லது தலைமை ஒருங்கிணைப்பாளர் என்கிற பதவி இருக்க வேண்டும். கமலின் மக்கள் நீதி மய்யம் கட்சியில் அது மிஸ்ஸிங்.
அதாவது கமல்ஹாசன் இந்த கட்சியின் நிறுவனரா? அல்லது புதிய பதவியாக வித்தியாசத்துக்காக 'வழிகாட்டி'யா என்பது அறிவிக்கப்படாமல் இருக்கிறது. ஒருவேளை உயர்நிலைக் குழு கூடி ஒருவரை தேர்வு செய்வார்களோ?