என்னுடைய கொள்கைகள் ஒத்துவரும் என திமுக புரிந்து கொண்டால் கூட்டணி குறித்து யோசிக்கலாம்: கமல்ஹாசன்
என்னுடைய கொள்கைகள் தங்களுக்கு ஒத்துவரும் என திமுக புரிந்து கொண்டால் கூட்டணி குறித்து யோசிக்கலாம் என நடிகர் கமல்ஹாசன் தெரிவித்துள்ளார்.
Recommended Video
சென்னை: என்னுடைய கொள்கைகள் தங்களுக்கு ஒத்துவரும் என திமுக புரிந்து கொண்டால் கூட்டணி குறித்து யோசிக்கலாம் என நடிகர் கமல்ஹாசன் தெரிவித்துள்ளார்.
திமுக தலைவர் கருணாநிதியை கமல்ஹாசன் சந்தித்து வாழ்த்து பெற்றார். அதன்பின்னர் செய்தியாளர்களிடம் கமல்ஹாசன் கூறியதாவது:
நான் செல்லும் பாதையை மூத்த தலைவர் என்கிற முறையில் கருணாநிதியிடம் சொல்ல வந்தேன். அவர் என்னை அடையாளம் கண்டு கொண்டு வாழ்த்து தெரிவித்தார்.
கருணாநிதியின் தமிழ், அறிவுக்கூர்மை, மக்கள் மீதான அக்கறை ஆகியவற்றை கற்க விரும்புகிறேன். யாரையும் அசைக்கவோ, கலைக்கவோ நான் அரசியலுக்கு வரவில்லை. மக்கள் சேவைக்காகவே வந்துள்ளேன்.
எனது கொள்கைகள் என்ன என்பது 21-ந் தேதி தெரிந்து கொள்ளலாம். தேசிய கீதத்தில் திராவிடம் இருக்கும் வரை என் கொள்கையில் திராவிடம் இருக்கும்.
அனைவருக்குமே ஒரு கனவு உள்ளது. என்னுடைய கொள்கைகள் தெரிந்த பின்னர் அது தங்களுக்கு ஒத்து வரும் என திமுக புரிந்து கொண்டால் அப்போது கூட்டணி குறித்து யோசிக்கலாம்.
இவ்வாறு கமல்ஹாசன் தெரிவித்தார்.
Click it and Unblock the Notifications
Sign in with Google