அப்துல் கலாம் இல்லத்தில் இருந்து அரசியல் பிரவேசத்தை தொடங்கும் கமல்ஹாசன்

அப்துல் கலாமின் ராமேஸ்வரம் இல்லத்தில் இருந்து அரசியல் பிரவேசத்தை கமல்ஹாசன் தொடங்க திட்டமிட்டுள்ளார்.

சென்னை: மறைந்த மக்களின் ஜனாதிபதி அப்துல்கலாமின் ராமேஸ்வரம் இல்லத்தில் இருந்து தமது அரசியல் பிரவேசத்தைத் தொடங்க நடிகர் கமல்ஹாசன் திட்டமிட்டுள்ளதாக தகவல் வெளியாகி உள்ளது.

நடிகர் கமல்ஹாசன் அடுத்த மாதம் 21-ந் தேதி தமது கட்சியின் பெயரை அறிவிக்கிறார். பின்னர் தமது அரசியல் சுற்றுப் பயணத்தைத் தொடங்குகிறார்.

ரஜினிகாந்த் ஆன்மீக அரசியலை முன்வைக்கும் நிலையில் கமல்ஹாசன் திராவிட அரசியலின் நீட்சியாக தமது கருத்துகளை முன்வைத்து வருகிறார். இந்நிலையில் தாம் பிறந்த ராமநாதபுரம் மாவட்டத்தில் இருந்து அரசியல் பயணத்தை துவங்குவேன் என கமல்ஹாசன் கூறியிருந்தார்.

தற்போது ராமேஸ்வரத்தில் மறைந்த மக்கள் ஜனாதிபதி அப்ல்து கலாமின் இல்லத்தில் இருந்து தமது அரசியல் பயணத்தை கமல்ஹாசன் தொடங்க திட்டமிட்டிருப்பதாக தகவல்கள் வெளியாகி உள்ளன.

English summary

Sources said that Actor Kamal Haasan will start his political journey from Ex President Abdul Kalam's House at Rameswaram.