விஜய், அட்லியோடு மெர்சல் படம் பார்த்த நடிகர் கமல்ஹாசன் பாராட்டு!

விஜய், அட்லியோடு மெர்சல் படத்தை நடிகர் கமல்ஹாசன் நேற்று இரவு பார்த்து பாராட்டு தெரிவித்துள்ளார்.

சென்னை: நடிகர் விஜய், இயக்குநர் அட்லியோரு மெர்சல் திரைப்படத்தை நடிகர் கமல்ஹாசன் நேற்று இரவு பார்த்துவிட்டு பாராட்டு தெரிவித்திருக்கிறார்.

மெர்சல் திரைப்படத்தில் ஜிஎஸ்டி, டிஜிட்டல் இந்தியாவுக்கு எதிரான விமர்சனங்கள் இடம் பெற்றுள்ளன. இதற்கு தமிழக பாஜக தலைவர்கள் கடும் எதிர்ப்பு தெரிவிக்கின்றனர்.

ஆனால் நடிகர் கமல்ஹாசன் மற்றும் தமிழக அரசியல் கட்சித் தலைவர்கள் விஜய்க்கு ஆதரவாக உள்ளனர். இந்நிலையில் சென்னையில் நேற்று இரவு இயக்குநர் அட்லி, நடிகர் விஜய்யுடன் மெர்சல் திரைப்படத்தை நடிகர் கமல்ஹாசன் பார்த்தார்.

இப்படம் முடிவடைந்த பின்னர் படம் நன்றாக இருக்கிறது என கமல்ஹாசன் பாராட்டியிருக்கிறார். அப்போது தயாரிப்பாளர் முரளி, ஹேமா ருக்மணி ஆகியோரும் உடனிருந்தனர்.

English summary

Actor Kamal Haasan watched Mersal Moive with Actor Vijay on Sunday night.