அறப்போர் இயக்கத்திற்கு நன்றி தெரிவித்து கமல் ஹாசன் டிவிட்
அறப்போர் இயக்கத்தின் வீடியோவை வெளியிட்டு நடிகர் கமல் ஹாசன் ட்வீட் செய்துள்ளார்.
சென்னை: அறப்போர் இயக்கத்தின் வீடியோவை வெளியிட்டு நடிகர் கமல் ஹாசன் ட்வீட் செய்துள்ளார். அவர் தனது டிவிட்டில் அறப்போர் இயக்கத்திற்கு நன்றி தெரிவித்து இருக்கிறார்.
தமிழகத்திலும் லோக் ஆயுக்தா அமைக்க வேண்டும் என்பது உள்ளிட்ட கோரிக்கைகளை முன்னிறுத்தி போராடி வருகிறது அறப்போர் இயக்கம். அரசு நிர்வாகங்களின் ஊழல்களையும் அறப்போர் இயக்கம் அம்பலப்படுத்தி வருகிறது.
இந்த இயக்கம் சில நாட்களுக்கு முன்பு முக்கிய அறிவிப்பு ஒன்றை வெளியிட்டு இருந்தது. அதில் ''கமல்ஹாசன் உட்பட தமிழக பிரச்சனைகளை யார் கையிலெடுத்து போராடினாலும் இணைந்து செயல்படுவோம்'' தெரிவித்து இருந்தது.
இந்த நிலையில் அறப்போர் இயக்கத்தின் வீடியோ ஒன்றை கமல் ஹாசன் வெளியிட்டு உள்ளார். ஐந்து நிமிடம் அடங்கிய அந்த வீடியோவில் சென்னையில் உள்ள பகுதிகள் மழையால் எப்படி பாதிக்கப்பட்டு இருக்கிறது என்று விளக்கப்பட்டு இருக்கிறது.
அறப்போர் இயக்கச் சகோதரர்களுக்கு நன்றியும் வாழ்த்துக்களும். என்னைக் கேள்வியும் ஆதாரமும் கேட்போருக்கு இதுவே போதுமான பதில். மேலும் உள்ளதாம் பல ஆதாரங்கள் This is just expose 1 Keep at it Arappore warriors. pic.twitter.com/yfYzGjUuZc
— Kamal Haasan (@ikamalhaasan) November 21, 2017
மேலும் அரசின் மெத்தனப்போக்கு, அரசு டெண்டர்களின் செய்து இருக்கும் மோசடிகள் குறித்து அந்த வீடியோவில் விளக்கப்பட்டு உள்ளது. இந்த வீடியோவை உருவாக்கிய அறப்போர் இயக்கத்திற்கு கமல் நன்றி தெரிவித்து இருக்கிறார்.
— Kamal Haasan (@ikamalhaasan) November 21, 2017
அதுமட்டும் இல்லாமல் கமல்ஹாசன் தம்முடைய ட்விட்டர் முகப்பு படத்தையும் மாற்றி இருக்கிறார். பாரதியார் வேடத்தில் தம்மை சித்தரிக்கும் முகப்புப் படத்தை வைத்துள்ளார் கமல்ஹாசன்
Click it and Unblock the Notifications
Sign in with Google