அதிமுக, திமுகவிற்கு அதிகம் சவாலாக இருக்கும் நடிகர் கமல் - நியூஸ் 7 டிவி சர்வே
அதிமுக, திமுகவிற்கு அதிகம் சவாலாக இருக்கும் நடிகர் கமல்ஹாசன்தான் என்று நியூஸ் 7 டிவி - குமுதம் இதழ் நடத்திய கருத்துக்கணிப்பில் தெரியவந்துள்ளது.
Recommended Video
சென்னை: அதிமுக, திமுகவிற்கு அதிகம் சவாலாக இருக்கப் போகும் நடிகர் கமல்ஹாசன்தான் என்று தமிழகத்தில் பெரும்பான்மையான மக்கள் கருத்துக்கூறியுள்ளனர்.
நியூஸ் 7 தொலைக்காட்சி நடத்திய மக்கள் மனசுல யாரு என்ற கருத்துக்கணிப்பில் இது தெரியவந்துள்ளது.
ரஜினி, கமல், விஜய் மூவரில் திரையுலகிலிருந்து அரசியலுக்கு அடுத்து யார் வருவார்? வந்தால் மக்களின் ஆதரவு எப்படி இருக்கும்? என்பதை அறிந்துகொள்ளும் வகையில் மாபெரும் கருத்துக்கணிப்பு நடத்தப்பட்டது.
புள்ளியியல் வல்லுநர் குழுவின் வழிகாட்டுதலின்படி வயது, பாலினம், மதம், கல்வித்தகுதி மற்றும் தொழில் அல்லது பணி அடிப்படையில் தமிழகம் மற்றும் புதுச்சேரி முழுவதும் இந்த கருத்துகணிப்பு நடத்தப்பட்டது.
நடிகர் அரசியலுக்கு வர வாய்ப்பு
சினிமாவில் இருந்து இன்னொரு முதல்வர் வருவாரா என்ற கேள்விக்கு ஆம் என்று 31.6% பேரும் இல்லை என்று 20.2% பேரும் உறுதியாக கூற முடியாது என்று 27.8% பேரும் வேண்டவே வேண்டாம் என்று 20.4% பேரும் கருத்து கூறியுள்ளனர்.
கமலுக்கு முதலிடம்
கமல் கட்சி ஆரம்பித்தால் திமுகவிற்கு அதிகம் சவாலாக இருப்பார் என மக்கள் கருத்து கூறியுள்ளனர். திமுகவிற்கு அதிகம் சவாலாக இருக்கப்போகும் நடிகர் யார் என்ற கேள்விக்கு மக்கள் அளித்த பதில்:
கமல் - 35.5%
ரஜினி - 22.8%
விஜய் - 16.5%
மற்றவர்கள் 25.2% என மக்கள் கருத்து கூறியுள்ளனர்.
கமல் அதிகம் சவால்
அதிமுகவிற்கு அதிகம் சவாலாக இருக்கப் போகும் நடிகர் யார் என்ற கேள்விக்கு மக்கள் கூறிய கருத்து:
கமல் - 45.3%
ரஜினி - 18.2%
விஜய் - 14.5%
மற்றவர்கள் - 22%
அதிமுகவிற்கு கமல்தான் அதிகம் சவாலாக இருப்பார் என 45.3 சதவிகிதம் பேர் கருத்து கூறியுள்ளனர்.
கமலுக்கு பெண்கள் ஆதரவு
கருணாநிதி, ஜெயலலிதாவிற்குப் பிறகு தமிழக அரசியலில் மிகப்பெரிய வெற்றிடம் ஏற்பட்டுள்ளது தெளிவாகவே தெரியவருகிறது. அடுத்த தலைவர் யார் என்ற கேள்வி எழுந்துள்ளது. சினிமாவில் இருந்து அரசியலுக்கு வரப்போவதாக ரஜினி, கமல் வெளிப்படையாகவே அறிவித்து விட்டனர். விஜய் இன்னமும் கூறவில்லை. மூவரையும் வைத்து எடுக்கப்பட்ட சர்வேயில் கமல்தான் முந்தியிருக்கிறார். முக்கியமாக பெண்களின் ஆதரவு கமலுக்கு அதிகம் உள்ளது சர்வேயில் தெரியவந்துள்ளது.