ஜெயலலிதா மரணம் குறித்து விசாரணை அவசியம்! - கமல் ஹாஸன்

சென்னை: ஜெயலலிதா மரணத்தில் மர்மம் இருப்பதாகக் கூறப்படுவதால், அதைப் பற்றி விசாரணை நடத்துவது அவசியமே என்று கமல் ஹாஸன் கூறியுள்ளார்.

அரசியலுக்கு வருவதாகக் கூறிவரும் கமல் ஹாஸன் நாள்தோறும் பேட்டிகள் அளித்து வருகிறார். நேற்று அவர் அளித்த ஒரு பேட்டியில், "மறைந்த முதல்வர் ஜெயலலிதா மரணத்தில் மர்மம் இருப்பதாக விமர்சிக்கப்படுகிறது.

ஒரு முதல்வராக அவரை பார்க்காமல் சாதாரண பெண்ணாக பார்த்தலும் கூட அந்த பெண்மணியின் மரணத்தில் நிறைய ரகசியங்களும், குழப்பங்களும் இருப்பதாக கூறுகின்றனர். அவரது மரணம் சர்ச்சைக்குரியதுதான்.

எனவே ஜெயலலிதா மரணம் குறித்து போலீசார் புலன் விசாரணை செய்ய வேண்டியது அவசியம்," என்றார்.

ஜெயலலிதா மறைவுக்கு நேரடியாக இரங்கல் தெரிவிக்காத கமல் ஹாஸன், 'சார்ந்தோர் அனைவருக்கும் அனுதாபங்கள்' என்று ட்வீட்டியது நினைவிருக்கலாம்.

English summary

Kamal Hassan has urged the govt to probe Jayalalithaa's controversial death