ஆட்சிக்கு வந்தால் குவாட்டரும், ஸ்கூட்டரும் தருவீர்களா?... கமல் சொன்ன நச் பதில்!

ஆட்சிக்கு வந்தால் குவாட்டரும், ஸ்கூட்டரும் தருவீர்களா என்று கேட்டதற்கு நிச்சயமாக தரமாட்டேன் என்று கமல்ஹாசன் தெரிவித்துள்ளார்.

மதுரை : ஒரு வேளை ஆட்சிக்கு வந்தால் ஆண்களுக்கு குவாட்டரும், பெண்களுக்கு ஸ்கூட்டரும் வழங்கப்படுமா என்ற கேள்விக்கு கமல்ஹாசன் நச் பதிலை அளித்துள்ளார்.

மதுரை ஒத்தக்கடை மாநாட்டில் உரையாற்றிய பின்னர், கேள்வி பதில் பிரிவு ஒன்று ஏற்பாடு செய்யப்பட்டிருந்தது. இதில் மக்களின் சில கேள்விகள் எழுப்பப்பட்டன. அப்போது ஒருவர் கேட்டிருந்த கேள்வியானது மேடையில் கமலிடம் படித்துக் காட்டப்பட்டது.

உங்களுக்கு வாக்களித்து ஒருவேளை நீங்கள் ஆட்சிக்கு வந்துவிட்டால், ஆண்களுக்கு குவாட்டரும் பெண்களுக்கு ஸ்கூட்டரும் திட்டம் நீடிக்குமா என்று ஒருவர் கேள்வி எழுப்பி இருக்கிறார் அதற்கு உங்களின் பதில் என்ன?

நான் முன்னாடியே சொல்லிவிட்டேன், குவாட்டரும் ஸ்கூட்டரும் தர மாட்டேன். நீங்கள் மற்றவர்களுக்கு ஸ்கூட்டர் வாங்கித் தரும் வகையில் வசதிகள் ஏற்படுத்தித் தரப்படும். வேலைவாய்ப்பை ஏற்படுத்திக் கொடுக்க வேண்டும், அப்படி செய்தால் நீங்கள் இலவசங்களை இல்லாதவர்களுக்கு கொடுக்கும் வள்ளல்கள் ஆவீர்கள்.

ஒரு வள்ளலை சுற்றி 10 ஏழைகள் இருப்பதை விட, 10 வள்ளல்கள் இருந்தார் நாடே ஏழைகள் இல்லாத நாடாகிவிடும். ஏழ்மைக்கே ஏழ்மை வந்துவிடும் என்று கமல்ஹாசன் பதில் அளித்தார்.

English summary

Kamalhaasan says no to freebies rather will create employment with that facilities everyone will help others those in need of help.