டாஸ்மாக்கிற்கு நான் ஆதரவா?... கமல்ஹாசன் காட்டமான ட்வீட்!

டாஸ்மாக்குக்கு நான் ஆதரவு என ஊடகங்களில் வந்தது தவறு என நடிகரும், மக்கள் நீதி மய்யம் கட்சியின் தலைவருமான கமல் விளக்கமளித்துள்ளார்.

சென்னை : டாஸ்மாக்குக்கு நான் ஆதரவு என ஊடகங்களில் வந்தது தவறு என்று மக்கள் நீதி மய்யம் கட்சியின் தலைவர் கமல்ஹாசன் விளக்கமளித்துள்ளார். தனது டுவிட்டர் பக்கத்தில் இது குறித்து தவறை திருத்திக் கொள்ளுங்கள் என்று கமல் கருத்து பதிவிட்டுள்ளார்.

வார இதழ் ஒன்றில் வெளியான கட்டுரையில் ஒட்டுமொத்த சமுதாயத்தையும் மதுவை விரும்பாதவர்களாக ஆக்க முடியாது. அப்படி மாற்றினால் கள்ளினால் வரும் கொடுமைகளை விட பெரிய கொலைகள் பல நடக்கும்.

குடிப்பதைக் குறைக்கலாம், ஆனால் ஒட்டுமொத்தமாக நிறுத்த முடியுமா என்பது சந்தேகமாக இருக்கிறது என்று கமல்ஹாசன் கூறியதாக கட்டுரை பிரசுரமானது. இத்னால் கமல் டாஸ்மாக்கை ஆதரிப்பதாக கருத்துகள் வெளியாகின. இந்நிலையில் இதற்கு விளக்கம் அளிக்கும் விதமாக கமல் ஒரு ட்வீட் போட்டுள்ளார்.

ஊடக நண்பரே!
டாஸ்மாக்குக்கு
(TASMAC) கமல் ஆதரவு என்ற செய்தி தவறு. திருத்திக்கொள்க.
இல்லையேல் பொய் சொல்கிறீர் என்ற குற்றச்சாட்டிற்கு ஆளாவீர்😊

— Kamal Haasan (@ikamalhaasan) March 5, 2018

அதில் ஊடக நண்பரே! டாஸ்மாக்குக்கு கமல் ஆதரவு என்ற செய்தி தவறு. திருத்திக்கொள்க. இல்லையேல் பொய் சொல்கிறீர் என்ற குற்றச்சாட்டிற்கு ஆளாவீர் என்று கருத்து பதிவிட்டுள்ளார்.

English summary

Kamalhaasan tweets that he is not supportive to Tasmac, medias were spreading that he supports Tasmac is a wrong one if mistakes were not ruled out then all were charge of bluffing.