கல்வி, சுகாதாரம், மருத்துவம், போக்குவரத்து சரியில்லை... என் ஆயுசுக்குள் சரி செய்வேன்... கமல்
தமிழகத்தில் கல்வி, சுகாதாரம், மருத்துவம், போக்குவரத்து சரியில்லை என்று நடிகர் கமல்ஹாசன் தெரிவித்துள்ளார்.
Recommended Video
சென்னை: தமிழகத்தில் கல்வி, சுகாதாரம், மருத்துவம், போக்குவரத்து ஆகியன சரியில்லை என்றும் இந்தியாவை பெருமையடையச் செய்வேன் என்றும் நடிகர் கமல்ஹாசன் தெரிவித்தார்.
கடந்த சில மாதங்களாக அரசியல் குறித்தும், ஆட்சியாளர்கள் குறித்து கமல் பேசிவந்தார். மேலும் தான் அரசியல் கட்சியை தொடங்க போவதாகவும் அவர் அறிவித்தார். எனினும் ஆர்கே நகர் தேர்தலில் போட்டியிடுவீர்களா என்ற கேள்விக்கு அவர் பதில் அளிக்கவில்லை. அந்த தேர்தலில் போட்டியிடுவோர் குறித்தும் எதையும் பேசவில்லை.
ஆர்கே நகர் தேர்தல் முடிந்த பிறகு அங்கு பணம் விளையாடியது குறித்தும் திருடனிடமே பிச்சை எடுக்கும் மக்கள் என்றும் அவர் கூறியிருந்தார்.
அரசியல் கட்சி...
ராமேஸ்வரத்தில் இருந்து வரும் பிப்ரவரி 21-ஆம் தேதி அரசியல் கட்சியை தொடங்குவேன் என்று கமல் அறிவித்திருந்தார். மேலும் கலாம் வீட்டிலிருந்து தொடங்கவுள்ளதாகவும் அவர் தெரிவித்திருந்தார்.
பெருமை
இந்நிலையில் கமல்ஹாசன் செய்தியாளர்களிடம் தெரிவிக்கையில், என் ஆயுளுக்குள் இந்தியாவை பெருமையடைய செய்வேன். இந்தியாவின் பயணம் தமிழகத்தில் இருந்து தொடங்கும்.
சகோதரர்கள்
எனது அரசியல் பயணம் அடுத்த மாதம் தொடங்குகிறது. அப்போது தொடங்க உள்ள பயணத்தில் சகோதரர்கள் கிடைப்பார்கள்.
மருத்துவம் சரியில்லை
தமிழகத்தில் கல்வி, சுகாதாரம், மருத்துவம், போக்குவரத்து ஆகியவை சரியாக இல்லை. இவற்றை டிஜிட்டல் முறையில் சரி செய்யவே வந்துள்ளேன். இவ்வாறு கமல் தெரிவித்தார்.
Click it and Unblock the Notifications
Sign in with Google