நாங்கள் பேசுவது வெட்டிப் பேச்சா: கமல் பார்த்து பேச வேண்டும்: வைகோ அறிவுரை
நாங்கள் பேசுவது வெட்டி பேச்சல்ல என்றும் கமல் பார்த்து பேச வேண்டும் என்றும் வைகோ அறிவுறுத்தியுள்ளார்.
Recommended Video
சென்னை: நாங்கள் பேசுவது வெட்டி பேச்சல்ல என்றும் கமல் பார்த்து பேச வேண்டும் என்றும் மதிமுக பொதுச் செயலாளர் வைகோ தெரிவித்தார்.
தமிழகத்தில் பெரியார் சிலைகள் உடைக்கப்படும் என்று பாஜக தேசிய செயலாளர் எச் ராஜா தனது பேஸ்புக் பதிவில் தெரிவித்திருந்தார். இதற்கு கடும் எதிர்ப்புகள் வந்தன.
எதிர்க்கட்சிகளான ஸ்டாலின், வைகோ, திருமாவளவன் உள்ளிட்டோர் எச் ராஜாவுக்கு எதிராக கடுமையாக கொந்தளித்தனர். இதுகுறித்து கமல் தனது டுவிட்டரில் கூறுகையில், அன்பார்ந்த ஸ்டாலின், வை.கோ, திருமாவளவன், சீமான் வீணாகத் தங்கள் பேச்சாற்றலை விழலுக்கிரைக்கவேண்டாம்.
எல்லாச் சிலைகளையும் அகற்றும் வாக்குறுதியை அவர் தந்தால் நாம் நம் மூதாதையார் பெரியார் சிலையை அகற்ற அனுமதிப்போம்.வழிபடுதல் வேறு வழிநடப்பது வேறு என்று கமல் குறிப்பிட்டிருந்தார்.
இதுகுறித்து வைகோவிடம் கேள்வி எழுப்பப்பட்டது. அதற்கு அவர் நாங்கள் எச்சரிக்கைக்காக பேசுவது வெட்டிப் பேச்சு அல்ல; கமல் பார்த்து பேச வேண்டும் என்று வைகோ பதிலளித்திருந்தார்.
Click it and Unblock the Notifications
Sign in with Google