கருணாநிதி ஆட்சியின் சாதனைப் பட்டியலுடன் ஓட்டு வேட்டையைத் தொடங்கும் கனிமொழி

By Siva

Updated: Monday, April 18, 2016, 11:00 [IST]

Subscribe to Oneindia Tamil

சென்னை: திமுக எம்.பி. கனிமொழி சேலத்தில் இருந்து தனது தேர்தல் பிரச்சாரத்தை இன்று துவங்குகிறார். திமுக தலைவர் கருணாநிதியின் சாதனைகளை எடுத்துக் கூறி வாக்கு சேகரிக்க உள்ளதாக அவர் தெரிவித்துள்ளார்.

திமுக மற்றும் அதன் கூட்டணி கட்சி வேட்பாளர்களை ஆதரித்து திமுக எம்.பி. கனிமொழி இன்று முதல் பிரச்சாரம் செய்ய உள்ளார். அவர் சேலம் மாவட்டத்தில் இருந்து தனது பிரச்சாரத்தை துவங்குகிறார்.

Kani to kick start campaign today from Salem

முன்னதாக அவர் திமுக தலைவரும் தனது தந்தையுமான கருணாநிதியை சென்னை கோபாலபுரம் இல்லத்தில் சந்தித்து ஆசி பெற்றார். அதன் பிறகு அவர் செய்தியாளர்களிடம் கூறுகையில்,

மக்களை சந்திக்காதவர், அவர்களின் குறைகளை தீர்த்து வைக்காதவர் ஜெயலலிதா. அவர் வளர்ச்சித் திட்டங்கள் எதையும் அமல்படுத்தவில்லை. தமிழகத்தை மின்மிகை மாநிலமாக்குவேன் என்றதையும் செய்யவில்லை. தமிழகம் தொழில்துறை பின்னோக்கி செல்கிறது.

தமிழக மக்கள் மதுவிலக்கை அமல்படுத்துமாறு கூறி வருகின்றனர். ஆட்சியில் இருந்தபோது அதை கண்டுகொள்ளாமல் தங்களுக்கு மீண்டும் வாய்ப்பு அளித்தால் படிப்படியாக மதுவிலக்கை அமல்படுத்துவதாக கூறுவது ஏமாற்று வேலை.

திமுக தேர்தல் அறிக்கை, கருணாநிதியின் சாதனைகளை மக்களிடம் எடுத்துக் கூறி மக்களிடம் வாக்கு சேகரிப்பேன். அதிமுக ஆட்சிக்கு மாற்று திமுக தான், கருணாநிதி தான் என்றார்.