Thanthi Survey: காரைக்குடி தொகுதியில் சீமானுக்கு இந்த இடம்தானா? தவெக rocked! அமமுக shocked!

சென்னை: தந்தி டிவியின் கருத்து கணிப்புகளின்படி காரைக்குடி சட்டசபை தொகுதியில் நாம் தமிழர் கட்சி சார்பில் களமிறங்கும் சீமானுக்கு 4 ஆவது இடம் கிடைக்கும் என கணிக்கப்பட்டுள்ளது. அது போல் அதிமுக, நாதகவுக்கு அதிர்ச்சி வைத்தியமாக தவெக 2ஆவது இடத்திற்கு போகும் வாய்ப்பு உள்ளதாகவும் சொல்லப்படுகிறது.

தந்தி டிவி சார்பில் மார் 29ஆம் தேதி முதல் ஏப்ரல் 17ஆம் தேதி வரை தமிழகத்தில் கருத்துக் கணிப்புகள் நடத்தப்பட்டன. இதன் முடிவுகள் நேற்று வெளியானது.

இதில் திமுக கூட்டணி 98 இடங்களிலும் அதிமுக கூட்டணி 91 இடங்களிலும் வெல்லுமாம். 47 தொகுதிகளில் கடும் போட்டி நிலவும் என்றும் இந்த 47 தொகுதிகளின் வெற்றியை பொறுத்தே யார் ஆட்சி அமைப்பார்கள் என தெரிய வரும்.

தற்போது விஐபி தொகுதி நிலவரம் என்ற அடிப்படையில் காரைக்குடி தொகுதியை பார்க்கலாம். இங்கு காங்கிரஸ் கட்சியின் மாங்குடி, அமமுகவின் தேர்போகி பாண்டி, நாம் தமிழர் கட்சியின் சீமான், தவெகவின் டி.கே.பிரபு ஆகியோர் போட்டியிடுகிறார்கள்.

இதில் காங்கிரஸ் கட்சி வேட்பாளருக்கு 25 சதவீதம் முதல் 31 சதவீதம் வரை வாக்குகள் கிடைக்கும். அது போல் தவெகவுக்கு 24 சதவீதம் முதல் 30 சதவீதம் வாக்குகளும், அமமுகவுக்கு 22 சதவீதம் முதல் 28 சதவீதம் வரை வாக்குகளும் நாம் தமிழர் கட்சிக்கு 16 சதவீதம் முதல் 22 சதவீதம் வரையும் வாக்குகள் கிடைக்கும் என கணிக்கப்பட்டுள்ளது.

சொந்த தொகுதியான காரைக்குடியில் வெற்றி வாய்ப்பு இல்லை என்பதையே இந்த கணிப்புகள் காட்டுகின்றன. சீமானுக்கு மற்றொரு அதிர்ச்சி என்னவெனில் காரைக்குடியில் நாம் தமிழர் 4ஆவது இடத்திற்கு செல்லும் என்றும் தவெக 2ஆம் இடத்திற்கு செல்லும் என்றும் கணிக்கப்பட்டுள்ளது.

சிவகங்கை மாவட்டத்தின் மிக முக்கியமான தொகுதியான காரைக்குடியில் 2026 தேர்தல் களம் தற்போதே சூடுபிடிக்கத் தொடங்கியுள்ளது. கல்வி நிறுவனங்கள் மற்றும் வணிக நிறுவனங்கள் நிறைந்த இத்தொகுதியில், கடந்த தேர்தல்களில் நிலவிய அரசியல் போக்குகளிலிருந்து மாறுபட்ட சூழல் நிலவுகிறது.

குறிப்பாக, இத்தொகுதியில் செல்வாக்கு மிக்க நகரத்தார் சமூக வாக்குகள் மற்றும் இதர சமுதாய வாக்குகளைப் பெறுவதில் பிரதான கட்சிகளிடையே கடும் போட்டி நிலவுகிறது. நீண்டகால கோரிக்கையான காரைக்குடி நகராட்சியை மாநகராட்சியாக மாற்றிய அரசாணையின் தாக்கம் மற்றும் உள்ளூர் உட்கட்டமைப்பு வசதிகள் போன்றவை வாக்காளர்களின் முக்கிய முடிவெடுக்கும் காரணியாக இருக்கும் என எதிர்பார்க்கப்படுகிறது.

தற்போதைய அரசியல் சூழலில், சிட்டிங் எம்.எல்.ஏ மீதான அதிருப்தி அல்லது ஆதரவு அலை ஒருபுறம் இருக்க, மறுபுறம் இளம் வாக்காளர்களின் எண்ணிக்கை கணிசமாக உயர்ந்துள்ளது. கல்வி நகரமாக விளங்குவதால், படித்த இளைஞர்களின் வாக்குகள் இங்கு வெற்றியைத் தீர்மானிக்கும் சக்தியாக உருவெடுத்துள்ளன.

தி.மு.க மற்றும் அ.தி.மு.க கூட்டணிகளுக்கு இடையே நேரடிப் போட்டி இருந்தாலும், நாம் தமிழர் கட்சி மற்றும் வளர்ந்து வரும் மாற்று சக்திகள் பிரிக்கும் வாக்குகள் பிரதான கட்சிகளின் வெற்றி வாய்ப்பைப் பாதிக்கக் கூடும். தேர்தல் நெருங்கும் வேளையில், வேட்பாளர் தேர்வு மற்றும் தொகுதி மேம்பாட்டுத் திட்டங்கள் குறித்த வாக்குறுதிகளே காரைக்குடியின் புதிய பிரதிநிதியைத் தீர்மானிக்கப் போகின்றன.

கடந்த கால தேர்தல் முடிவுகள் ஒரு பார்வை

2021 தேர்தல்: மதச்சார்பற்ற முற்போக்கு கூட்டணியின் சார்பில் போட்டியிட்ட காங்கிரஸ் வேட்பாளர் எஸ். மாங்குடி, அ.தி.மு.க கூட்டணியில் இருந்த பா.ஜ.க வேட்பாளர் ஹெச். ராஜாவை தோற்கடித்து வெற்றி பெற்றார்.

2016 தேர்தல்: காங்கிரஸ் கட்சியின் கே.ஆர். ராமசாமி வெற்றி பெற்றார். இவர் சுமார் 18,000 வாக்குகள் வித்தியாசத்தில் அ.தி.மு.க வேட்பாளரை வீழ்த்தினார்.

2011 தேர்தல்: அ.தி.மு.க-வின் சோழன் சி.டி. பழனிச்சாமி வெற்றி பெற்றார். அந்தத் தேர்தலில் அ.தி.மு.க கூட்டணி வலுவாக இருந்ததால் காங்கிரஸ் வசமிருந்த இத்தொகுதி அ.தி.மு.க வசம் சென்றது.

2006 தேர்தல்: காங்கிரஸ் கட்சியின் மூத்த தலைவர் என். சுந்தரம் வெற்றி பெற்றார். இவர் இதற்கு முன்பும் (1996) இத்தொகுதியில் வெற்றி பெற்றவர் என்பது குறிப்பிடத்தக்கது.

English summary

According to Thanthi TV’s opinion poll for the Karaikudi Assembly constituency, Naam Tamilar Katchi leader Seeman is predicted to finish in 4th place, creating a major political surprise. The survey also suggests that TVK has a strong chance of securing the 2nd position, delivering a shock to both AIADMK and NTK. The constituency is shaping up to be one of the most unexpected battlegrounds in the 2026 Tamil Nadu elections.