கர்நாடக முதல்வரை 'கபாலி' படுத்தும் பாடு!
சென்னை: கபாலி ஃபீவர் எங்கு பார்த்தாலும் தொற்றிக்கொண்டுள்ளது. ரஜினி படங்களை ரசிக்க மொழி ஒரு தடையாக இருந்தது கிடையாது என்பது அறிந்த உண்மை. எனவேதான் கர்நாடகாவிலும் பட்டிதொட்டியெல்லாம் பாஷை புரியாமலே 'நெருப்புடா.." என சொல்லி சிலிர்த்துக்கொள்கிறார்கள்.
கபாலி காய்ச்சலை அரசியல் ஆதாயத்திற்கும் பயன்படுத்த கிளம்பியுள்ளனர் கர்நாடக மாநில முதல்வர் சித்தராமையாவின், 'ரசிகர் மன்ற' அபிமானிகள்.
ரஜினிக்கு பதிலாக சித்தராமையாவையும், வில்லன் கிஷோர் கதாப்பாத்திரத்திற்கு பதிலாக கர்நாடக மாநில பாஜக தலைவர் எடியூரப்பாவையும் சித்தரித்து அவர்கள் பேஸ்புக்கில் வெளியிட்டுள்ள வீடியோ கர்நாடகாவில் வைரலாக சுற்றி வருகிறது.
சில காட்சிகளில் ரஜினியை விடவும் ஸ்டைலிஷாக சித்தராமையாவை காண்பித்துள்ளனர் அவரது அபிமானிகள். சில ஷாட்டுகளில் கோட்டை விட்டுள்ளனர். நீங்களே அந்த கூத்தை பாருங்களேன்.