ஆவேசமாக பேசிய கார்த்தி... டொய்ங்னு நழுவிய ‘ஒட்டு மீசை’... காஷ்மோரா பிரஸ் மீட்டில் காமெடி!

ஹைதராபாத்தில் நடைபெற்ற காஷ்மோரா செய்தியாளர் சந்திப்பில், மேடையில் பேசிக் கொண்டிருந்த போது கார்த்தியின் ஒட்டு மீசை திடீரென நழுவியதால் அவருக்கு சங்கடமான சூழ்நிலை ஏற்பட்டது.

Updated: Thursday, October 27, 2016, 15:58 [IST]

Subscribe to Oneindia Tamil

ஹைதராபாத்: காஷ்மோரா செய்தியாளர் சந்திப்பில் ஆவேசமாக பேசிக் கொண்டிருந்த போது, திடீரென கார்த்தியின் ஒட்டு மீசை தனியே கழண்டு வந்து விட்டது. இதனால் தனது பேச்சை பாதியில் நிறுத்திய கார்த்தி, விரைந்து சென்று மீண்டும் மீசையை ஒட்டி வந்தார்.

கோகுல் இயக்கத்தில் கார்த்தி நாயகனாக நடித்துள்ள படம் காஷ்மோரா. இப்படத்தில் நயன்தாரா, ஸ்ரீதிவ்யா என கார்த்திக்கு இரண்டு நாயகிகள். இப்படம் தீபாவளியை ஒட்டி ரிலீசாகிறது.

இதனால் ஹைதராபாத், சென்னை என பட புரோமோஷன் வேலைகளில் பிசியாக இருக்கிறார் கார்த்தி.

தெலுங்கு புரோமோஷன்...

இந்நிலையில், ஹைதராபாத்தில் தெலுங்கு புரோமோஷன் நிகழ்ச்சி நடைபெற்றது. இதில் கலந்து கொண்ட கார்த்தி, காஸ்மோரா படம் குறித்து தெலுங்கு, இங்கிலீஷ் என மாறி மாறி உரையாற்றிக் கொண்டிருந்தார்.

நழுவிய மீசை...

அப்போது கிளைமாக்ஸ் பற்றி பேசிக் கொண்டிருந்த கார்த்தியின் ஒட்டு மீசை மெல்ல நழுவத் தொடங்கியது. ஆனால், அதனைக் கவனிக்காமல் தொடர்ந்து கார்த்தி ஆவேசமாக பேசியபடியே இருக்க, மீசை நழுவத் தொடங்கியது பார்வையாளர்களுக்கு நன்றாகத் தெரியத் தொடங்கி விட்டது.

பாதியில் நின்ற பேச்சு...

திடீரென யாரோ ஒருவர் சுட்டிக் காட்டியதும் சுதாரித்த கார்த்தி, மீசையை நைசாக ஒட்ட முற்பட்டார். ஆனால், அது பழைய நிலைக்கு வரவில்லை. இதனால் தனது பேச்சை பாதியில் நிறுத்திய மேடையில் இருந்து மீசையை ஒட்டுவதற்காக மேக்கப் அறைக்குச் சென்று விட்டார்.