கருணாநிதி தமிழக அரசியலின் சரித்திரம் - பொன்.ராதாகிருஷ்ணன் புகழாரம்: வீடியோ

தமிழக அரசியல் வரலாற்றில் கருணாநிதி நீங்கா இடம் பிடித்து ஒரு சரித்திரமாக உருவெடுத்துள்ளார் என பாஜகவை சேர்ந்த மத்திய இணை அமைச்சர் பொன்.ராதா கருணாநிதியின் 94ஆவது பிறந்தநாளில் வாழ்த்து தெரிவித்துள்ளார்.

மதுரை: கருணாநிதி அரசியல் வரலாற்றில் 70 ஆண்டுகளாக நீங்கா இடம்பிடித்து சரித்திரமாக உள்ளார். அவர் நீடுழி வாழ வேண்டும் என இறைவனைப் பிரார்த்திக்கிறேன் என மத்திய இணை அமைச்சர் பொன்.ராதா கூறினார்.

கருணாநிதியின் 94ஆவது பிறந்தநாளின் போது பிரம்மாண்டமாகக் கொண்டாடப்பட்டது. மத்திய இணை அமைச்சர் பொன்.ராதா கிருஷ்ணன் மதுரை விமான நிலையத்தில் செய்தியாளார்களிடத்தில் கருணாநிதியை வாழ்த்திப் பேசினார். அப்போது அவர், ''தமிழக அரசியல் வரலாற்றில் 70 ஆண்டுகளாக நீங்கா இடம்பிடித்து, அரசியலில் ஒரு மனிதன் எந்த அளவுக்கு சாதிக்க முடியுமோ அந்தளவுக்கு சாதித்து, ஒரு சரித்திரமாகவே மாறியிருக்கிறார்.

திராவிட முன்னேற்றக் கழகத்தின் தலைவராகவும் 5 முறை தமிழக முதல்வராகவும் இருந்து கோலோச்சியவருமான கருணாநிதியின் 94ஆவது பிறந்தநாளில் வாழ்த்தி மகிழ்கிறேன். இறைவனுடைய அருளால் அவர் நீடுழி வாழ வேண்டும் என பிரார்த்திக்கிறேன்'' என கூறினார். பாஜகவினரை, கருணாநிதியின் வைர விழாவுக்கு திமுக அழைக்கவில்லை என்பது குறிப்பிடத்தக்கது.

English summary

Karunanidhi become a history as he served in tamil politics for 70 years tirelessly and he achieved many things beyond a man's capacity told Pon.Radha krishnan about Karunanidhi on his 94th birthday.