நண்பனே.. எனது உயிர் நண்பனே.. நீண்ட நாள் உறவிது.. இன்று போல் என்றுமே தொடர்வது...!

சென்னை: உலகெங்கும் இன்று நண்பர்கள் தினம் கொண்டாடப்படுகிறது. திமுக தலைவர் கருணாநிதியும் நண்பர் தினத்தையொட்டி தனது ஆருயிர் அண்ணன், அருமை மிகு தளபதி.. பாசமிகு தோழர் க. அன்பழகனின் படத்தை பேஸ்புக்கில் போட்டு கொண்டாடியுள்ளார்.

நவீன தமிழகத்தில், நீண்ட நாள் நட்புக்கு பலரும் உதாரணம் காட்டுவது கருணாநிதி - அன்பழகன் நெருக்கத்தைத்தான். அந்த அளவுக்கு, எத்தனையோ சூறாவளிகள் சுழன்றடித்தாலும், புயல்கள் வீசினாலும் கலங்காமல் அசராமல் நிற்கிறது இவர்களின் நட்பு.

இந்த நிலையில் இன்று நண்பர்கள் தினத்தையொட்டி திமுக தலைவர் கருணாநிதியின் பேஸ்புக்கில் அவரும், அவரது நண்பர் திமுக பொதுச் செயலாளர் அன்பழகனும் இணைந்திருக்கும் புன்னகை பூத்த படம் ஒன்றை போட்டுள்ளார்.

நீடித்திருக்கட்டும் இந்த நட்பு!

English summary

DMK president Karunanidhi has celebrated the friendship day with Anbalagan in his FB