கருணாநிதியின் உடல்நிலை தேறுகிறது... கோடம்பாக்கத்தில் உள்ள மகன் தமிழரசுவின் வீட்டுக்கு வருகை

கருணாநிதி தனது மகன் தமிழரசுவின் வீட்டுக்கு சென்றார்.

By Lakshmi Priya

Updated: Sunday, June 17, 2018, 16:00 [IST]

Subscribe to Oneindia Tamil

சென்னை: உடல்நிலை தேறி வரும் கருணாநிதி கோடம்பாக்கத்தில் உள்ள தனது மகன் தமிழரசுவின் வீட்டுக்கு சென்றார்.

கருணாநிதியின் உடல்நிலை பாதிக்கப்பட்டதால் அவர் ஒன்றரை ஆண்டுகளாக கோபாலபுரம் இல்லத்திலேயே ஓய்வு எடுத்து கொண்டிருந்தார். இந்நிலையில் அவருக்கு அளிக்கப்பட்டு வந்த சிகிச்சையை அவரது உடல் ஏற்றுக் கொண்டது.

இதனால் அவர் நாளுக்கு நாள் முன்னேற்றம் அடைந்தார். இதன் காரணமாக முரசொலி அலுவலகத்துக்கு சென்று அங்கு புகைப்பட கண்காட்சியை பார்வையிட்டார். இதைத் தொடர்ந்து அவர் அண்ணா அறிவாலயத்துக்கு சென்றார்.

கையசைத்த கருணாநிதி

அங்கு சென்று வருகை பதிவேட்டில் மு.க. என்று கையெழுத்திட்டார். பேரனுடன் கிரிக்கெட் விளையாடிய வீடியோ, பேத்தி பாடிய பாடலை ரசித்த வீடியோ என வெளியானது.

மகிழ்ச்சி

கடந்த 3-ஆம் தேதி அவரது பிறந்த நாள் விழாவின் போது வெளியே அழைத்து வரப்பட்டு தொண்டர்களை பார்த்து கையசைத்தார். இதை பார்த்த தொண்டர்களோ மகிழ்ச்சியில் திளைத்தனர்.

உற்சாகம்

இந்நிலையில் அவருக்கு பேச்சு பயிற்சி அளிக்கப்பட்டு வருவதாகவும் அவர் விரைவில் பேசவுள்ளதாகவும் திமுக நிர்வாகிகள் கூறியிருந்தனர். இதனால் தொண்டர்கள் மேலும் உற்சாகமடைந்தனர்.

டிரஸ்ட்புரம்

இந்நிலையில் சென்னை கோபாலபுரம் இல்லத்திலிருந்து வாயில் வரை மட்டுமே வந்த கருணாநிதி தற்போது கோடம்பாக்கம் டிரஸ்ட்புரத்தில் உள்ள அவரது மகன் தமிழரசுவின் இல்லத்துக்கு சென்றார்.