தேசிய அளவில் ட்ரெண்டான கருணாநிதி உடல்நிலை! #karunanidhi
தேசிய அளவில் கருணாநிதி உடல்நிலை ட்ரெண்டாகி வருகிறது.
Recommended Video
சென்னை: திமுக தலைவர் கருணாநிதியின் உடல்நிலை குறித்த தகவல்கள் நாட்டையே பரபரப்பாக்கிய நிலையில், கருணாநிதி ஹேஷ்டேக் ட்ரெண்டாகி வருகிறது. அத்துடன் தேசிய அளவிலும் ட்விட்டரில் முதலிடம் பிடித்துள்ளது.
கருணாநிதி மருத்துவமனையில் அனுமதித்து இன்றோடு 11 நாள் ஆகிவிட்டது. இதில் நேற்று அவரது நிலைமை கவலைக்கிடம் என காவேரி மருத்துவமனை அறிக்கை வெளியிட்டது.
குவியும் வாழ்த்துக்கள்
உடல்நலம் குறித்து 24 மணி நேரத்தையும் குறித்திருக்கிறது. இந்த தகவல் உலக நாடுகளில் பரவ ஆரம்பித்தது. இந்திய தலைவர்கள் உள்ளிட்ட பெரும்பாலானவர்கள் மருத்துவமனைக்கு விரைந்து வந்தனர். கருணாநிதி விரைவில் குணமடைய வேண்டும் என தனது வாழ்த்துக்களை தெரிவித்து விட்டு சென்றார்கள்.
இரவு முழுவதும் கனிமொழி
குறிப்பாக தமிழகத்தின் அனைத்து திசைகளிலிருந்தும் தொண்டர்கள் சென்னைக்கு வந்து கொண்டுள்ளனர். அதனால் பாதுகாப்புகளும் பலப்படுத்தப்பட்டு வருகின்றன. கருணாநிதியின் மருத்துவ சிகிச்சையும் தொடர்ந்து அளிக்கப்பட்டு வருகின்றன. 24 மணி நேரம் மருத்துவர்கள் நேரம் சொல்லி இருந்தாலும், கனிமொழி, அவரது கணவர் உள்ளிட்ட குடும்ப உறுப்பினர்கள் மருத்துவமனையிலேதான் இரவு முதல் இருந்து வருகிறார்கள்.
ட்விட்டரில் கருணாநிதி
கருணாநிதியின் உடல்நலம் குறித்த செய்திகளே நேற்று மதியம் முதல் அனைத்து தொலைக்காட்சி, ட்விட்டர், சமூகவலைதளங்களில் முன்னணியில் இருந்து வருகின்றன. அதனால் இன்றைய பிரதான சமூக வலைதளமான ட்விட்டரிலும் கருணாநிதி (#Karunanidhi) ஹேஷ்டேக் இந்திய அளவில் ட்ரெண்டாகி உள்ளது.
கனிமொழி ஹேஷ்டேக்
அத்துடன் காவேரி ஹாஸ்பிட்டல் (#KauveryHospital), கனிமொழி (#Kanimozhi) உள்ளிட்ட ஹேஷ்டேக்குகளும் இந்திய அளவில் டிரெண்டாகி வருகிறது. இந்த ட்விட்டர்களில் கருணாநிதி உடல்நலம் பெற வேண்டும், கருணாநிதி மீண்டும் விரைவில் குணமடைந்து எழுந்து நடமாட வேண்டும் என்பதை வலியுறுத்தி வாழ்த்து தெரிவித்து வாசகங்கள் இடம்பெற்றுள்ளன.