அப்பா நலமாக உள்ளார்.. பார்த்து பேசிவிட்டுதான் வருகிறேன்.. மு.க அழகிரி தகவல்

திமுக தலைவர் கருணாநிதி நலமாக இருப்பதாக மு.க அழகிரி தெரிவித்துள்ளார்.

Published: Sunday, July 29, 2018, 23:56 [IST]

Subscribe to Oneindia Tamil

சென்னை: திமுக தலைவர் கருணாநிதி நலமாக இருப்பதாக மு.க அழகிரி தெரிவித்துள்ளார்.

சென்னை காவேரி மருத்துவமனையில் சிகிச்சைப்பெற்று வரும் திமுக தலைவர் கருணாநிதி உடல்நிலையில் பாதிப்பு ஏற்பட்டதாக தகவல் வெளியானது.

இதையடுத்து மருத்துவமனையில் திமுக தொண்டர்கள் குவிந்தனர். இதைத்தொடர்ந்து திமுக தலைவர் கருணாநிதியின் உடல்நிலையில் பின்னடைவு ஏற்பட்டது.

சிகிச்சைக்குப்பின் உடல்நிலை சீராக உள்ளது என காவேரி மருத்துவமனை அறிக்கை வெளியிட்டது.
இதையடுத்து மருத்துவமனையில் இருந்த கருணாநிதியின் குடும்பத்தார் புறப்பட்டனர்.

ஸ்டாலின் புறப்பட்டார்

திமுக தலைவர் கருணாநிதியின் உடல்நிலை சீராகி வருகிறது என்ற காவேரி மருத்துவமனையின் அறிக்கை வெளியானதையடுத்து மு.க.ஸ்டாலின் மருத்துவமனையில் இருந்து புறப்பட்டார்.

மருத்துவர் கோபால்

கருணாநிதியின் துணைவியார் ராஜாத்தியம்மாள், மருத்துவர் கோபால் உள்ளிட்டோரும் மருத்துவமனையில் இருந்து புறப்பட்டனர்.

அழகிரி புறப்பட்டார்

இந்நிலையில் மருத்துவமனையில் இருந்து புறப்பட்ட கருணாநிதியின் மகனும் முன்னாள் மத்திய அமைச்சருமான முக அழகிரி மருத்துவமனையில் இருந்து புறப்பட்டார்.

பேசிவிட்டுதான் வருகிறேன்

அப்போது செய்தியாளர்களிடம் பேசிய அவர், அப்பா நலமாக இருக்கிறார். அவர் நலமாக இருப்பதால் தான் வீட்டிற்கு செல்கிறேன். அப்பாவை பார்த்து பேசிவிட்டுதான் வருகிறேன் என்றார்.

முன்பை விட நலம்

இதேபோல் திமுக எம்பியான கனிமொழியும் முன்பை விட கருணாநிதி தற்போது நலமாக இருக்கிறார் என்று கூறினார். இருப்பினும் இதனை ஏற்க மறுக்கும் தொண்டர்கள் தொடர்ந்து மருத்துவமனை வளாகத்தின் முன்பு குவிந்து வருகின்றனர்.

Published On July 29, 2018