மனோரமாவின் உடலுக்கு கருணாநிதி நேரில் அஞ்சலி
சென்னை: நடிகை மனோரமாவின் உடலுக்கு திமுக தலைவர் கருணாநிதி நேரில் அஞ்சலி செலுத்தினார்.
கின்னஸ் சாதனை புரிந்து, தமிழ் சினிமாவில் என்றென்றும் தனக்கென தனி முத்திரை படைத்து, அனைவராலும் ஆச்சி என செல்லமாக அழைக்கப்பட்ட நடிகை மனோரமா நேற்றிரவு காலமானார்.
சென்னை தி.நகரில் உள்ள இல்லத்தில் அவரது உடல் அஞ்சலிக்காக வைக்கப்பட்டுள்ளது. அவரது உடலுக்கு திரைத்துறையினர், அரசியல் பிரமுகர்கள் மற்றும் பொதுமக்கள் அஞ்சலி செலுத்தி வருகின்றனர்.
இந்நிலையில், மனோரமாவின் உடலுக்கு திமுக தலைவர் கருணாநிதி நேரில் அஞ்சலி செலுத்தினார்.
‘கடந்த 50 ஆண்டுகளுக்கும் மேலாக நகைச்சுவை நடிகையாக, குணச்சித்திர நடிகையாக, பாடகியாக திரையுலகில் வாழ்ந்து வந்தவர்' என தனது இரங்கல் செய்தியில் அவர் குறிப்பிட்டுள்ளார்.
மேலும், மனோரமாவிற்கு அஞ்சலி செலுத்தும் வகையில், விழா ஒன்றில் தன்னுடன் அவர் அமர்ந்திருப்பது போன்ற புகைப்படத்தையும் கருணாநிதி தனது பேஸ்புக் பக்கத்தில் வெளியிட்டுள்ளார்.
Click it and Unblock the Notifications
Sign in with Google