கருணாநிதி உடல்நிலையில் முன்னேற்றம்- திமுகவினர் உற்சாகம்!
திமுக தலைவர் கருணாநிதியின் உடல்நிலையில் நல்ல முன்னேற்றம் ஏற்பட்டுள்ளதால் அக்கட்சி தொண்டர்கள் மகிழ்ச்சியடைந்துள்ளனர்.
சென்னை: திமுக தலைவர் கருணாநிதி உடல்நிலையில் முன்னேற்றம் ஏற்பட்டுள்ளதாக அக்கட்சி நிர்வாகிகள் தெரிவித்துள்ளனர். இந்த தகவல் திமுக தொண்டர்களை மகிழ்ச்சியடைய வைத்துள்ளது.
கடந்த சில மாதங்களாக முதுமையால் கருணாநிதி உடல்நிலை பாதிக்கப்பட்டிருந்தது. இதனால் தீவிர அரசியல் பணிகளில் அவரால் ஈடுபட முடியாமல் போனது.
இதையடுத்து திமுகவின் செயல் தலைவராக மு.க.ஸ்டாலின் நியமிக்கப்பட்டார். இந்த நிலையில் கடந்த சில நாட்களாக கருணாநிதியின் உடல்நிலையில் நல்ல முன்னேற்றம் ஏற்பட்டுள்ளதாக திமுக நிர்வாகிகள் தெரிவித்துள்ளனர்.
முன்னர் தம்மை சந்திக்க வருபவர்களை அடையாளம் காண முடியாத அளவுக்கு உடல்நிலை பாதிக்கப்பட்டிருந்தது. தற்போது உடல்நிலை முன்னேறிய நிலையில் டிவியில் செய்திகள், சினிமா உள்ளிட்டவற்றை கருணாநிதி பார்க்கிறார். தமக்கு தேவையானவற்றை உதவியாளர்களை அழைத்தும் கேட்கிறார்.
இந்த தகவல் திமுக தொண்டர்களை மகிழ்ச்சியடைய வைத்துள்ளது. ஓரிரு நாட்களில் கருணாநிதியிடம் இருந்து வழக்கமான உடன்பிறப்பே! கடிதம் அல்லது அறிக்கை வரலாம் என்ற எதிர்பார்ப்பில் திமுக தொண்டர்கள் உள்ளனர்.
Click it and Unblock the Notifications
Sign in with Google