கருணாநிதி உடல்நிலை மிகவும் கவலைக்கிடம்: காவேரி மருத்துவமனை அறிக்கை

சென்னை: திமுக தலைவர் கருணாநிதி உடல்நிலை கடந்த சில மணி நேரமாக மிகவும் கவலைக்கிடமாக உள்ளது என்றும், அதிகபட்ச சிகிச்சைகளை அளித்த பிறகும், கருணாநிதியின் முக்கிய உறுப்புகள் செயலிழந்து வருகின்றன என்றும் மாலை 4.30 மணிக்கு வெளியாகியுள்ள காவேரி மருத்துவமனை அறிக்கையில் தெரிவிக்கப்பட்டுள்ளது.

அவர் உடல்நிலை மிக மோசமாக உள்ளது என்றும் அதில் கூறப்பட்டுள்ளது.

நேற்று வெளியான மருத்துவ அறிக்கையில், 24 மணி நேரத்திற்கு கருணாநிதி உடல்நிலை எவ்வாறு ஒத்துழைப்பு அளிக்கிறது என்பதை பார்த்தே அடுத்த விஷயத்தை சொல்ல முடியும் என காவேரி மருத்துவமனை கூறியிருந்தது.

ஆனால் கருணாநிதி உடல்நிலை சிகிச்சைக்கு ஒத்துழைக்கவில்லை என்பது இன்றைய அறிக்கை மூலம் தெளிவாகியுள்ளது.

English summary

Karunanidhi's condition is "extremely critical and unstable", says latest health bulletin.