மண்ணுலகில் அஸ்தமித்த சூரியன்... விண்ணுலகில் முகிழ்த்தது!

கருணாநிதி தனது இறுதி பயணத்தை மேற்கொள்ளும் வாகனம் தயார் நிலையில் உள்ளது.

சென்னை: பல வண்ண மலர்களால் அலங்காரம் செய்யப்பட்ட வாகனத்தில் கருணாநிதியின் இறுதி பயணம் தொடங்கி அண்ணா சமாதியில் முழு அரசு மரியாதையுடன் நல்லடக்கம் செய்யப்பட்டது.

கருணாநிதியின் உடல் ராஜாஜி அரங்கத்தில் வைக்கப்பட்டுள்ளது. அவரது இறுதி ஊர்வலம் இன்றைய தினம் மாலை 4 மணிக்கு தொடங்கியது. இந்நிலையில் மெரினாவில் அவரை நல்லடக்கம் செய்வதற்கான ஏற்பாடுகள் நடந்தன.

பின்னர் கருணாநிதியின் உடல் பல வண்ண மலர்களால் அலங்கரிக்கப்பட்ட ராணுவ வாகனத்தில் ஏற்றப்பட்டு ஊர்வலம் தொடங்கியது. பின்னர் சிவானந்தா சாலை, வாலாஜா சாலை வழியே கருணாநிதி இறுதி பயணம் சென்றது.

கருணாநிதி இதுவரை எத்தனையோ வாகனங்கள் பயணம் செய்திருப்பார். ஆனால் இந்த இறுதி ஊர்வல வாகனத்தை பார்த்த தொண்டர்கள் நெஞ்சம் வேதனை அடைந்தனர்.

இதையடுத்து இறுதியாக அண்ணா சாலைக்கு அவரது உடல் வந்தடைந்தது. அவரது உடலுக்கு முப்படையினர் மரியாதை செய்தனர். பின்னர் 27 குண்டுகள் முழங்கப்பட்டது.

அவரது உடலுக்கு குடும்பத்தினரும் முக்கிய பிரமுகர்களும் இறுதியாக கண்ணீர் அஞ்சலி செலுத்தினர். இதையடுத்து சந்தன பேழை அவர் கேட்ட 6 அடி நிலத்துக்குள் இறக்கப்பட்டது. அப்போது தலைவா தலைவா என்று தொண்டர்கள் கோஷமிட்டனர். மண்ணுலகில் அஸ்தமித்த சூரியன், தற்போது விண்ணுலகில் முகிழ சென்றுவிட்டது.

English summary

Karunanidhi's funeral takes place in this army vehicle. It arrives at Rajaji Hall.