சூப்பர் ஸ்டார் ரஜினி பிறந்த நாள் விழாவுக்கு கூட அனுமதி தரவில்லையே!- கருணாநிதி

சென்னை: திமுகவின் நிகழ்ச்சிகளுக்கு மட்டுமல்ல, சூப்பர் ஸ்டார் ரஜினிகாந்த், நடிகர் விஜய் போன்றவர்களின் நிகழ்ச்சிகளுக்கும் கூட ஜெயலலிதா அரசு அனுமதி தரவில்லையே என்று கூறியுள்ளார் கருணாநிதி.

பேஸ்புக்கில் இதுகுறித்து அவர் எழுதியுள்ளதாவது:

கழக நிகழ்ச்சிகளுக்கு மாத்திரமல்ல; சூப்பர் ஸ்டார் ரஜினிகாந்த் பிறந்த நாள் நிகழ்ச்சிக்கு அனுமதி தரப்பட்டதா?

நடிகர் விஜய் பிறந்த நாள் கூட்டத்திற்கு அனுமதி தரப்பட்டதா?

ஜனநாயகத்தின் அடிப்படையான பேச்சுரிமையும், கூட்டம் கூடும் உரிமையும், சர்வாதிகார மனப்பான்மையோடு மறுக்கப்பட்டிருக்கின்றன.

-இவ்வாறு அவர் தெரிவித்துள்ளார்.

12.12.12 அன்று ரஜினியின் பிறந்த நாளைக் கொண்டாட நேரு உள்விளையாட்டரங்கைக் கேட்டபோது அனுமதி மறுக்கப்பட்டது. பின்னர் ஒய்எம்சிஏ மைதானத்தில் நடத்த முடிவு செய்யப்பட்டபோது, கடைசி வரை அனுமதி கிடைக்கவில்லை. கடைசி நேரத்தில் தரப்பட்டது.

அதேபோல நடிகர் விஜய்யின் பிறந்த நாள் விழாவை நடத்த கடந்த இரு ஆண்டுகளாக அனுமதி கிடைக்கவில்லை.

English summary

DMK president Karunanidhi raised a question today about permissions denied by Jayalalithaa's govt for public meetings.